Mula sa madilim na sulok kung saan naroon nakaparada ang sasakyan ni Abby ay natanaw niya na ang asawa na lumabas kasama ang kaibigan nito. Kitang-kita niya pa ang mga ngiti ni Jacob habang nagbibiruan ang dalawa. Kaya muli na namang rumagasa ang mga luha mula sa mga mata ni Abby. At pakiramdam niya naman ay parang pinipiga sa sakit ang kanyang dibdib.
"Namiss ko ang ganyang tawa mo, Love," usal niya sa sarili habang nakatuon ang atensyon sa dalawa. "Pero bakit hindi ko na nakikita sa 'yo ang bagay na iyan kapag magkasama tayo," dagdag pa nito. "Talaga bang napasakit sa 'yo ng ginawa ko kaya kahit konting ngiti ay hindi ko na nakikita kapag magkasama tayo, ha?" Napahigpit ang pagkakakapit niya sa manibela habang binibitawan ang mga katagang iyon.
"Hindi ko lubos maisip na may kinikimkim
