Dalawang araw na ang lumipas pero nanatili pa rin ang kaba sa kanyang dibdib. Halos hindi siya makatulog. Pumalpak na naman siya sa ikalawang pagkakataon. Matapos ang insidente, pinauwi na siya ni Mr. Perez. Konswelo na lang na hindi nito binawi ang ibinayad sa palpak niyang serbisyo. Walang sinabi si Tita Claire pero alam niya, walang amo ang matutuwa sa ganoong performance. Naiisip niya tuloy na parang kinakalaban siya ng pagkakataon. Lumalayo sa gusto niya ang mga binabalak.
“Magmalaki ka kapag may ibubuga ka na.”
Paulit-ulit na nag-flash sa utak ang sinabi ni Auntie Carlota pero sinikap niyang alisin iyon sa isip. Inaliw niya na lang ang sarili sa pagtulong sa kusina.
“May kailangan ka ba, Estella?”
Umiling siya at nagsimulang hugasan sa gripo ang mga kamay. “Pwede ho ba akong
