JOSIE
Dahan-dahan kong iminulat ang mga mata ko at napangiti nang bumungad sa paningin ko ang gwapong mukha ni Sancho. Nakatitig lang siya sa akin at ngumiti saka hinaplos ang aking pisngi. Tatlong araw na rin nang makauwi kami ni Sancho sa condo unit matapos ang dalawang linggong pananatili sa ospital. Mabuti na lamang at sinagot ni Napoleon ang hospital bills ko at pati na rin ang kay Nathalie ay binayaran niya na rin. Si Granny naman ay tinulungan din akong bantayan si Nathalie kahit na walang kapalit kaya laking pasasalamat ko sa kaniya.
“Good morning, aking sinta,” aniya at hinalikan ako sa noo. “You look beautiful.”
Nag-init naman ang pisngi ko at mahina siyang hinampas sa balikat. “Good morning,” ganting bati ko at napakunot-noo nang mapansin kong nakadamit na siya nang maayos a
