JOSIE
HUMINGA AKO nang malalim at lumabas ng bunkbed saka naglakad papunta sa pinto ng training ground. Nang makalabas ako ay sabay-sabay na napatingin sa akin sina Sancho, Rei, Amihan, August at Ross. Lahat sila ay seryoso ang tinging pinupukol sa akin dahilan para muli akong kabahan.
“Are you ready?” tanong ni Sancho na lumapit sa akin at nilagay ang earpiece sa aking tainga.
“Ready na ako,” tipid kong sagot. Huminga ako nang malalim para kahit papaano ay kumalma ang aking puso. Kahit sa panaginip ay hindi ko man lang naisip na hahantong ako sa ganitong pagkakataon ng buhay ko.
Malungkot naman siyang ngumiti sa akin at tumango saka naglagay ng maliit na baril sa aking tagiliran. Hindi iyon makikita dahil sa sout kong itim na leather jacket na galing din sa kaniya. Lumuhod naman si
