JOSIE
HINDI KO MAIPALIWANAG ang kaba na nararamdaman ko habang nakatitig sa kapatid ni Sancho na si Atticus na sagad ata sa buto ang inis sa akin. Huminga ako nang malalim nang sa gayon ay kumalma ako pero nang tumingin siya sa akin ay napaatras ako. Ngunit malayo sa inaasahan ko ay kakaiba ang tinging pinupukol niya.
“Relax, I'm not here to argue,” anito na ibinalik ang tingin kay Sancho. “I'm here to tell you something important.”
“Important?” tanong ni Sancho.
Muli namang napatingin sa akin si Atticus at sa paraan ng pagtingin niya ay para bang sinasabi niyang umalis ako. Mariin kong tinikom ang aking bibig at agad na tumalikod saka naglakad papasok sa kwarto. Agad kong isinara ang pinto at napabuntong-hininga.
“Ano kayang importanteng bagay ang sasabihin ni Atticus?” tanong ko s
