JOSIE
MAHIGPIT ANG pagkakahawak ni Sancho sa aking pulupulsuhan habang kinakaladkad niya ako papunta sa hagdan. Napansin na din kami ng mga kapatid niya na nasa sala at lahat sila ay nanlalaki ang mga mata na para bang hindi makapaniwala sa nakikita. Nang marating naman namin ang second floor ay agad kong nakita sa may bandang balkonahe si Madam Susana, Mister Abrantes at Francine na nag-uusap. Naroon rin si Ate Naneth na nanlaki ang mga mata nang makita kami ni Sancho na papasok ng kwarto. Agad naman niyang hinarang ang sarili upang hindi kami makita ng ginang.
Nang makapasok kami ng kwarto ay marahas akong isinandal ni Sancho sa pader at gamit ang dulo ng mahabang sleeve ng kaniyang pullover jacket ay kinuskos niya iyon sa aking labi na para bang maaalis niyon ang halik sa akin ni Apo
