JOSIE
NANLALAKI ang mata ko na ibinaba ang aking mga dala at agad siyang dinaluhan saka inalalayan pahiga sa kaniyang kama. Bakas sa mukha niya na nasasaktan siya at nang hawakan ko siya sa noo ay napasinghap ako dahil inaapoy na rin siya ng lagnat. Siguro, dahil sa sugat niya? Bakit kaya hindi siya dumiretso sa ospital?Gusto niya bang mamatay?Baliw na ba siya?
“S-Sancho, n-nilalagnat ka,” nauutal kong sabi. Hindi ko tuloy alam ang dapat kong gawin dahil hindi naman ako doktor o maalam sa mga may sakit.
“A-Alam ko, hindi mo na kailangan sabihin,” aniya at tinaasan ako ng kilay.
Talaga bang kailangan niya pang magsungit kahit para na siyang mamatay?
“S-Sancho, a-ano ba kasing nangyari sa ‘yo?” tanong kong muli at nang akmang hahawakan ko ang laylayan ng kaniyang t-shirt para itaas iy
