HINDI MAIWASAN NI JADA na mapatingala sa nagtataasang mga gusali. Naramdaman ni Jada ang pag-akay sa kanya ni Mariz para tumawid sa pedestrian lane kasabay ang napakaraming mga tao. Madalas niya ding nakikita iyon dati pero iyon ang unang pagkakataon na nakita niya ang mga iyon na hindi sakay ng sasakyan ni Ambrose. Hindi niya mapigilang mapangiti. Dati ay tinatanaw lang niya mula sa sasakyan ang mga kaganapan sa kalsada, ang mga taong may kanya-kanyang ginagawa o pupuntahan.
Dati ay hinihiling lang niya na sana ay magawa niya iyon, ang humalo sa mga tao sa kalsada para pumunta sa kung saan niya gustong pumunta, ang ganoong kasimpleng senaryo ay nangangahulugan na ng kalayaan para sa kanya. Hindi siya makapaniwala na nararanasan niya iyon ngayon.
Nang makatawid silang tatlo ay muli sil
