GINUGOL NI SEBASTIAN ANG BUONG UMAGA NIYA kaharap ang laptop. Komportable siyang nakaposisyon sa itaas ng punong malapit sa bahay. Nakasandal siya sa katawan ng puno habang nakataas ang mga paa habang nakatitig sa monitor. Mula sa kinaroroonan ay nakita niya ang paglabas ni Jada sa bahay. Suot nito ang damit na ibinibigay para sa mga volunteers.
Napakunot ang noo ni Sebastian nang mapansing hindi man lang ito kumilos na parang hinahanap siya. Walang lingon itong lumabas at nagsimula sa pagtakbo.
Ang inaasahan pa naman niya ay mag-aatubili itong mag-jogging mag-isa, matatakot na wala itong kasama hindi katulad noong nakaraan na madalas nitong kasama ang mga kaibigan nito. Sumagi na sa isip niya na maaaring takasan siya nito pero agad ding binawi dahil kung gagawin nito iyon ay napakadal
