HUMANTONG SILA SA ISANG SILID SA UNANG PALAPAG NG BAHAY NA IYON na noon lang nakita ni Jada. Kung sabagay ay hindi naman niya nalibot pa ang buong bahay dahil nga sa nangyari kahapon, ang mga palabas ni Sebastian at dahil din sa mga inutos nito.
Malawak na binuksan ng ginang ang pintuan at natambad sa kanila ang animo isang parte ng ospital. O mas eksaktong sabihin na delivery room ayon sa mga nakapaskil sa mga dingding na may kinalaman sa panganganak.
Nagtataka si Jada. Hindi niya naisip na may ganoong kwarto ang bahay na iyon.
“Katulad ng pakilala ko sa iyo kanina, kilala ako sa panahong ito bilang ‘Inang’ pero ang katutubong pangalan ko ay Ynaba Pyadgao,” pagpapakilala nito, hindi na yata mawawala kahit kailan ang ngiti sa mga mata nito.
Inabot niya ang kamay ng ginang. Malamig i
