KASALUKUYAN...
SA ISANG IGLAP AY NAKABALIK NA SI SEBASTIAN sa balkonahe. Napakunot ang noo niya nang makitang naroon pa din si Jada kung saan niya iniwan ito kanina. Nakatulog ito marahil sa sobrang pagod. Malamig na ang simoy ng hangin dahil gabi na pero parang hindi iyon nakakaabala sa malalim na pagtulog ni Jada.
Humakbang siya palapit dito. Alam niyang kahit magising ito ay hindi siya nito makikita pwera na lamang kung mahahawakan siya nito. Tumigil siya ng ilang hakbang na lang ang layo dito, sapat para hindi siya maengganyo na damhin ang kakaibang init na nanggagaling dito.
Nakahilig ang babae sa upuan at bahagyang nakatungo. Ang ilang hibla ng buhok nito ay nalaglag na sa mukha nito, bahagyang tinatakluban ang maganda nitong mukha. Parang buong tiwala din ang binigay nito sa lu
