KASALUKUYAN…
SA HALIP NA SA MAIN DOOR SA IBABA NG BAHAY DUMAAN ay mabilis na naakyat ni Sebastian ang balkonahe sa ikalawang palapag. Nadatnan niya doon si Jada, nakapatong ang mga kamay sa barandilya at nakatanaw sa araw na ilang minuto na lang ay magtatago na. Hindi siya nito nakikita dahil nakatalikod ito sa kanya. Wala sa paligid si Ynaba Pyadgao, siguradong nagbalik ito sa kagubatan para sa ritwal na ginagawa nito.
Hindi man siya gumawa ng ingay ay parang naramdaman ng dalaga ang presensya niya at humarap sa kanya. Bahagyang namumula ang mga mata nito na parang galing sa pag-iyak. Hindi niya mabasa ang mga emosyon sa mukha nito pero sigurado siyang iba iyon kaysa sa kalungkutang nakikita niya dito noong nakaraan.
Lumapit siya dito. “I brought you this.” Ibinukas ni Sebastian ang pa
