Nakarating kami ni Enzo sa isang fast food, napatingin naman ako sa labas at tinignan kung bakit kami huminto sa lugar na ito.
“Bakit tayo dumaan dito? Morato na ito ah,” sambit ko sa kaniya, malayo kasi galing dito yung daan papunta sa bahay nila, parang iikot ka pa ulit pabalik.
“Andito ko kasi in-order yung mga pagkain natin, malapit lang kasi sa inyo,” sambit niya sa akin. Napatango-tango naman ako bilang pagsang-ayon sa kaniyang sinabi. Napatingin lang ako sa labas ng sasakyan niya habang hinihintay namin ang mga in-order niya.
Habang nililibang ang aking sarili, hindi matanggal sa isipan ko ang mga sinabi sa akin ni Mama habang nag-aayos ako ng mga gamit.
“Alam mo naman na siguro ang sasabihin ko sa ‘yo.” Napahinto ako sa pag-aayos at napatingin sa aking pintuan kung asaan na
