Laglag panga akong nakatitig sa harap ng salamin. Ilang beses ko pang kinurap-kurap ang mga mata ko para masigurong hindi ako nanaginip.
"You look really great, Katana. May ibubuga naman pala ang ganda mo," komento ni Bellamy habang may hawak na brush.
Napalunok ako at napangiti sa itsura ko. Nakasout lang ako ng simpleng dress na hindi lalagpas ng tuhod. Mapusyaw na pink ang kulay at lantad ang boung itaas ng dibdib ko. May maliit na laso sa bandang bewang na kapares ng kulay ng sout kong sandals. Ang buhok ko ay bahagyang kulot at may manipis na make up.
"You looks so stunning!"
"S-salamat po."
Umiling si Bellamy at iniabot sa akin ang maliit na bag. Lahat ng nasa katawan ko ay pinahiram lang ni Bellamy kaya kailangan kong ingatan nang maayos. Inalalayan niya ako palabas ng kwa
