CHAPTER 50 - PART 1
Julian's POV
“Anak, may bago ka ng kapatid ulit…”
Napahinto ako sa pagnguya nang kinakain ko at bahagyang napatingin sa mga kapatid ko na walang pakialam sa sinabi ni nanay. Ang buong atensyon nila ay nasa hapag-kainan lang. Takam na takam sa dinala kong ulam na binili ko pa sa Andok’s. Malaki-laki ang kinita ko kaya masarap ang ulam namin ngayon.
Pagbaling ko nang tingin kay Mama ay napasinghap na lamang ako dahil ako na naman ang maii-stress.
“Anak?” nakangiti pa rin si nanay.
Napabuntong-hininga naman ako. Heto na, magsasalita na. “Ma, pang-apat mo na ‘yan!” tumaas ang boses ko. “Gumawa na naman kayo ni Papa ng bata, para ano? Pahirapan na naman?” hindi ako makapaniwala, akala ko pa naman titigil na sila.
“Anak, blessing ‘to!” pagsigaw niya rin sa ‘kin ha
