KINABUKASAN ay muli silang bumalik sa ospital na kinaroroonan ni Marina. Kagaya pa din ng kahapon ang mga itsura nila. Hindi nawala ang pag-asa sa puso ni Saphira habang hinihintay nila ang doktor na magsasabi kung makaka-usap na nila ang babae. Ilang minuto pa silang naghintay hanggang sa dumating ang doktor na tumitingin kay Marina at siya ding nakausap nila kahapon.
“Masuwerte kayo dahil mukhang maganda ang mood niya ngayon. Maari niyo siyang makausap.” Imporma ng doktor sa kanila.
Nabuhayan ng loob si Saphira. Bigla siyang nakaramdam ng pananabik na makaharap ang babe. Nagkatinginan silang magkasintahan. Kinuha ni Ludgi ang isang kamay niya at pinagdaop ang mga kamay nila.
“Maari na ba namin siyang makausap ngayon Doc?” si Ludgi ang nagsalita.
Tumango ang doktor. “Sumunod na kayo
