الفصل الثالث
2215 Words
بسم الله الرحمن الرحيم
روايه( أنا واللصه )للكاتبة ايه عبده النجار(ورد)
____&&___&&____
خرج يوسف من غرفتها في قمه الغضب يبحث عن شيئا يسقط إليه غضبه فالاول مره تقع يديه علي امرآه كيف فعل ذلك اشتعل بداخله عده نيران من الغضب ( انا ليه ض*بتها حرام عليا ) قطع تفكيره صوتا من خلفه ....
ابراهيم: يوسف
يوسف: ايوه ياعم ابراهيم
ابراهيم: انت فعلا حبسها يبني لا هتاكلها ولا تشربها
يوسف: لا طبعا ياعم ابراهيم دخلها الاكل
ابراهيم: حاضر يبني
تركه ابراهيم ليواصل مره اخره تفكيره بها ، بينما ذهب ابراهيم يحضر الاكل لها.
اتجه يوسف الي غرفته ثم اتصل علي عاصي:
يوسف :مسالخير
عاصي: اهلا بالندل يعني ازعق معاك شويه تزعل ومتجيش تاني
يوسف :ابدا والله مزعلتش انا زعلت عليك بس
عاصي: خلاص يا يوسف انسي قلي اخبار شغلك ايه
يوسف: تمام
عاصي: ايه مبتطلعش عمليات سرية
يوسف : في عملية هطلعها قريب كده ادعيلي
عاصي: ربنا يعينك يارب
يوسف: فاكر زمان كنا دايما بنطلع سوا ونشتغل مع بعض عقل واحد في جسدين
عاصي: انسي يا يوسف انا مش هرجع للشغل خالص هفضل حاابس نفسي هنا
يوسف: غلط يا عاصي ارجوك متعملش في نفسك كده
عاصي: اطلع ازاي بوشي ده وكمان ارجع الشغل ههههه
يوسف: تاني هتقولي وشي
عاصي: خلاص يايوسف
يوسف: طيب كنت عاوزك في حوار
عاصي: حوار ايه
يوسف: في بنت غلبانه يتيمه ملهاش حد الا اخت بس
عاصي :مالها يعني
يوسف: محتاجه شغل
عاصي: طيب وانا ايه دخلني متشغلها
يوسف: منا قلت تشتغل عندك
عاصي :عندي انا تشتغل ايه
يوسف: اي حاجه دي بنت يتيمه ت**ب فيها ثواب
عاصي: طيب متشغلها عندك
يوسف :مينفعش انا دايما في الشغل وسفر ودي مينفعش اسيبها لوحدها
عاصي: ليه مطلوب مني احرص حضرتها
يوسف: من الاخر كده هتبقي مسؤليتك اصلها لسه بتدرس
عاصي :بتدرس وهتشتغل عندي طالبه ولا ايه
يوسف: انت مالك يااخي كل مقولك حاجه تقفلها في وشي
عاصي: منتا بتقول كلام غريب مش فاهم منه حاجه
يوسف: من الاخر كده عشان عارفك هتتعبني دي بنت يتيمه وفقيره انت هتتقفل بيها وتاكلها وتصرف عليها وتعلمها وهي في مقابل هتخدمك
عاصي: انا مش عاوز حد يخدمني
يوسف: خلاص ياسيدي مش هتخدمك بس خلي بالك منها
عاصي :وانا ولي امرها متوديها ملجآ
يوسف: خلاص يا عاصي شكرا سلام
عاصي: استني انت زعلت
يوسف: مش مهم بقي
عاصي: لا مهم انت مهتم بالبنت دي كده ليه تهمك يعني
يوسف: تهمني
عاصي :بتحبها
يوسف: لا ابدا دي زي اختي بس بنت يتيمه وغلبانة ن**ب فيها ثواب وبعدين انت الوحيد اضمنها عندك
عاصي: اشمعنا
يوسف: لانك جدع وهتحافظ عليها زي اختك
عاصي: طيب بس نبه عليها ملهاش دعوه بيا خالص حديها مصاريفها وتكمل تعليمها بس من غير متحتك بيا مفهوم
يوسف بفرحه: مفهوم سلام هجيلك بكره
عاصي.: بكره مالك مستعجل كده
يوسف: البنت عايشه لوحدها ومريضة محتاجة عناية
عاصي: مريضه عندها ايه
يوسف :مفيش حاجة بسيطة بس انيميا وضعيفة حبتين
عاصي : ماشي هاتها يلي سلام
يوسف:سلام
_______________
حضر ابراهيم الاكل ثم اتجهه الي غرفتها دق الباب ثم انتظر اجابتها:
جويريه: مين
ابراهيم: انا عمك ابراهيم ممكن ادخل يا بنتي
جويريه: اتفضل
دخل ووضع الاكل
ابراهيم: كلي يابنتي
جويريه: مش عاوزه
ابراهيم :عشان خاطري
جويريه: انت ملكش عندي خاطر
ابراهيم :هههههه ماشي يابنتي ربنا يسامحك
جويريه بحزن: اسفه
ابراهيم: انا عاوزك تعتبريني زي ابوكي
جويريه بحزن: حاضر بس انا عاوزه اختي
ابراهيم :متخفيش عليها خليكي هاديه مع يوسف وهو هيبقي كويس معاكي وتقدري تاخدي منه اللي انت عوزاه
جويريه: انا مش عاوزه اقرب من البني ادم ده كان يوم اسود يوم مجيت هنا ياريتني ما شفته ولا جيت
ابراهيم :نصيب يابنتي بس اللي اقدر اقولهولك انك وقعتي في ايد واحد مفيش زيه في الدنيا دي طيب فوق ما تتخيلي
جويريه بحزن: مهو باين بصراحه
ابراهيم بضحك: طيب يلي كلي
جويريه :وانت حتاكل معايا
ابراهيم :ميصحش يبنتي
جويريه :ليه
ابراهيم :اينعم انا هنا كبير الخدم ويوسف بيعزني بس عمري مكلت معاه علي سفره
جويريه: ليه بقي انا مش هاكل الا معاك ياعم ابراهيم
ابراهيم :لا يابنتي كلي
حويريه :عشان خاطري أنا مبعرفش اكل لوحدي
ابراهيم: ماشي يا بنتي يلي
جويريه :حاضر بسم الله الرحمن الرحيم مدت ايدها، لتشرد بحزن: ياتري اكلتي يا ليلي ولا لا
_________________
جالسة في منزلها تفكر في طلب يوسف
_ معقول اللي قاله ده مقدرش اعمل كده ازاي يطلب مني حاجه زي دي ازاي اعيش مع راجل غريب وكمان اخليه يحبني واخليه يحبني ازاي يعني اجبره يحبني وافرد حبني انا مش بحبه ولا هحب حد فاجاه سمعت طرقات الباب،استقامت من مقعدها لتفتح.
ليلي: مين حضرتك
السواق :انا سواق تبع يوسف بيه
ليلي :اه اهلا
سواق: يوسف بيه بيقول لحضرتك حيجي ياخدك الصبح بدري حضري نفسك
ليلي: حاضر
السواق: اتفضلي
ليلي: ايه ده
السواق: ده اكل دلفري
ليلي: لا مين قلك تجيبه
سواق :يوسف بيه اتفضلي بعد اذنك
اخدت الاكل،ثم استدارت لتغلق الباب: جيبلي اكل شكله طيب مدام جبلي اكل يبقي اكيد بيعامل جويريه بنفس الطريقه الطيبه..
_______________
في ڤلا يوسف:
في الصباح استيقظ مبكرا ارتدي ملابسه ثم هبط للاسفل:
يوسف :صباح الخير ياعم ابراهيم
ابراهيم :صباح النور يبني خارج
يوسف :ايوه خلي بالك يعم ابراهيم جويريه متخرجش وانا هنبه علي الرجاله بره
ابراهيم :حاضر يبني صحيح اتصلوا بيك امبارح
يوسف: مين
ابراهيم :هيكون مين اصحاب الهنا اللي مصاحبهم
ابتسم يوسف علي عم ابراهيم فهو يفهم ما يقصد: هههههه نفسي اعرف مضيقينا في ايه
ابراهيم :يبني مش برتحلهم الناس مش بمقامهم يعني هما ظباط ودكاتره بس تصدق مبرتحلهمش تصدق برغم ان جويريه زي مقلتلي حراميه بس ارتحتلها قوي.
يوسف :مهو باين ياعم ابراهيم طيب همشي اتا ومتنساش تفطر الاميرة ست حسن والجمال
ابراهيم :بتتريق هي فعلا جميله وجميله جدا كمان
يوسف بغضب: حاجه متخصنيش سلام
خرج يوسف تارك عم ابراهيم يضحك علي منظره ركب سيارته متجهها الي بيت ليلي ركن ثم صعد الي الاعلي..
علي السلالم واقف بكر يتحدث مع ليلي:
بكر: انطقي يبت يا سهتانه انتي اختك راحت فين
ليلي بتعب:قلتلك مش قاعده انت عاوز منها ايه
بكر: عاوزها طبعا ههههه
ليلي: حرام عليك سيبنا في حالنا
اتجه يوسف إليها بعدما سمع صوت ليلي
يوسف: في ايه
بكر :وانت مالك انت ياخ اتقل
يوسف بغضب: اتكلم عدل انت فاهم بدل معرفك انا مين
بكر: يابيه انا جاي اخد حقي من الحرامية جويرية سرقتني
ليلي: كداب
يوسف: سرقت ايه
بكر بلئم :٣٠٠ جنيه
نظر يوسف إليه بتمعن ثم أخرج من جيبه محفظته ثم أشار بيده بالفلوس
يوسف :اتفضل خد امشي بقي
بكر: تسلم يابيه
بعدما تأكد من رحيله نظر إليها
يوسف :ممكن ادخل
ليلي: اتفضل.
ادخلته ثم جلسوا سويا
يوسف: انتي لسه تعبانه
ليلي: شويه بس كنت عاوزه اقولك ان اختي مسرقتش الراجل ده كداب هي لسه مدياله الايجار بس هو طماع
يوسف :مدفعيش عنها اختك حراميه
ليلي: لا ابدا دي هو انسان وحش وعاوز منها حاجه تانية
يوسف: حاجه ايه
ليلي بخجل: حاجه وحشه
يوسف: طيب اطمني اختك في امان عندي
ليلي :شكرا
يوسف: طيب يلي
ليلي بحزن: انا
يوسف: لسه متردده
ليلي :ارجوك اعفيني عن المهمه دي
يوسف: ليه
ليلي: يعني ازاي اخلي واحد يحبني غصب عنه دي حاجه صعبه قوي
سرح يوسف قليلا فما قالته ليلي صحيح، ثم تذكر حادثه رانيا
ليلي: استاذ يوسف
يوسف: عندك حق الموضوع صعب وبالذات مع عاصي
ليلي بخوف: ليه ماله
يوسف:ها.. لا ابدا ملوش هو بس بيحب الوحده
ليلي: وملهوش حد
يوسف: لا عايش لوحده مع الخدم
ليلي :طيب
يوسف: اسمعي يا ليلي انسي الكلام اللي هددتك بيه اختك مش هحبسها وانتي براحتك مش عاوزه تروحي انتي حره وبردوا هصرف علي مصاريف جامعتك خليكي علي راحتك بعد اذنك
ليلي بخجل: استني انا موافقه
يوسف بابتسامه: شكرا يا ليلي
ليلي: ممكن طلب
يوسف: ايه
ليلي :اشوف جويريه اطمن عليها
يوسف :ماشي بس متقوليهاش علي اتفاقنا لانها ممكن ترفض
ليلي :طيب
يوسف: يلي
امسك حقيبتها، ساعدها يوسف في غلق منزلها وطلعوا ثم توجهه الي السياره ليقودها الي الڤلا.
جالسة ب**ت ظلت سارحه تفكر في عرض يوسف
يوسف:ليلي ...ليلي ياليلي
ليلي:ها في ايه
يوسف بابتسامه: وصلنا
ليلي :ماشي
نزلت ليلي معه متجهها الي الداخل فتح لهم ابراهيم
يوسف: ليلي غرفة جويريه فوق اطلعيلها
ليلي :شكرا بعد اذنك
يوسف :عم ابراهيم جويريه اكلت
ابراهيم: لا لسه
يوسف: طيب حضر الاكل لشخصين وابعته اوضتها
ابراهيم: حاضر يبني
في غرفتها جالسه ممتده علي فراشها تبكي ب**ت
جويريه: اف مين ادخل
ليلي: انا
جويريه بفرحة: مش معقول
استقامت بسرعة تركض باتجاة شقيقتها احتضنتها بشده فكم اشتاقت لها
جويريه:حبيبي انتي كويسه طمنيني عنك
ليلي بفرحه: انا كويسه جدا يوسف كان بياخد باله مني وجبلي اكل امبارح وجيه اخدني النهارده عشان اشوفك
جويريه بتكشيره: يوسف طيب اقعدي اخبار صحتك ايه
ليلي: الحمدلله خفيت
جويريه: واخبار المذاكره
ليلي: بذاكر تمام
جوبريه :الامتحانات قربت ذاكري كويس
ليلي :حاضر
قطع حديثهم صوت طرقات علي الباب
جويريه: ادخل
عم ابراهيم :الاكل يبنتي
جويريه: شكرا ياعم ابراهيم.
وضع ابراهيم الاكل ثم خرج ليغلق الباب خلفه، اتجهت جويرية الي صنيه الطعام وضعت الطعام بجوار شقيتها اعلي الفراش،ثم بدات في اطعامها لقمة تلوي الاخري.
ليلي: مش عاوزه اكل
جويريه :اسكتي خالص مش كفايه جسمك ضعيف قوليلي الزفت ده عمل معاكي ايه هددك صح
ليلي: ابدا دي هيعلمني ويدخلني الجامعه وكل حاجه بس انتي بطلي سرقه عشان خاطري
جويريه :حاضر بس كلي
ليلي: كفايه اتا شبعت لازم امشي
جويريه: تروحي فين
ليلي :هروح البيت اذاكر وكده
جزبريه: ليه متعشيش هنا معايا
ليلي: يوسف قال مينفعش لازم تيعشي لوحدك عشان تتعلمي
جويريه: مينفعش علي نفسه انا هنزل اخرب بيته
ليلي: استني بس ياجويريه اهدي
لم تسمع كلامها نزلت مسرعه اليه وقفت أمامه عينيها في عينه واقفه أمامه بتحدي.
جويريه: انت
يوسف بجمود: اكلمي بآدب اسمي يوسف وانتي بالذات تناديني باستاذ يوسف مفهوم
لم تهتم جويريه لكلامه بلا اذدادت في تحديها نظرت إليه بقوه أكثر قائله: اختي هتعيش معايا
يوسف: لا انتي هنا في سجن مش رحله ياهانم
جويريه: اختي مقدرش اسيبها
يوسف: مينفعش ملاك زي ليلي تعيش مع واحده زيك حراميه
جويريه بدموع: انت مالك
احتضنتها ليلي تربت علي كتفيها لتقول: ارجوك يايوسف بيه
يوسف: يلي ياليلي بينا اروحك
ليلي باستسلام: حاضر
أمسكت يديها بقوه : لا مش هتسيبيني
ليلي بدموع: هنتقابل تاني وهاجي ازورك حضنتها بشدة ثم رحلت بسرعة قبل أن تري دمعاتها.
ظلت بضعه دقائق تنظر إليها الي أن خرجت من باب الڤلا ركضت علي غرفتها تبكي بشده
بالسيارة
كان يقود وهي بجانبه تدمع بشدة
يوسف: مالك مش اطمنتي عليها
ليلي: ايوه بس صعبان عليا المعامله اللي بتعاملها بيها دي
يوسف: يعني مشفتيش طوله ل**نها
ليلي :معلش هي فعلا مدب ول**نها طويل بس طيبه والله
يوسف :طيب يلي وصلنا
نزلت من السيارة لم تشعر بالطريق،كانت مشغوله بالحديث مع يوسف
ليلي :ايه المكان ابغريب ده
يوسف :ماله الڤيلا حلوه
ليلي :دي حلوه ڤيلتك احلي
يوسف :علي فكر الڤيلا دي اكبر من ڤيلتي بكتير
ليلي :جايز بس مخيفه حتي الورد فيها ميت
يوسف بتردد: لا ابدا بس مفيش جنايني
ليلي :ليه مش قولتلي في خدم
يوسف: ايوه خدم في المطبخ بس الجنينه ملهاش جنايني
ليلي :طيب ميجيب جنايني
يوسف بتردد: لا اصل عاصي بيكره الورد
ليلي بخوف: في حد بيكره الورد
يوسف: هتلاقي عاصي بيكره حاحات كتير يلي ندخل
شعرت ليلي بالخوف دخل يوسف معها ممسك بكفيها الصغير، اخذت تقدم قدم وتأخر الأخري خوفا من تلك الڤيلا الكئيبه فكل شئ فيها داكن منعدمه الالوان الحديقه مهمله حتي حمام السباحه مهجورا لايوجد به نقطه مياه الانوار مطفئه وكان لا يسكنها أحدا هنا
بالاعلي:
اقترب من نافذة غرفته يتابع عينيها في **ت فلقد لاحظ خوفها الشديد من المكان:
دخل يوسف من باب الڤيلا:
خدم: ١ اتفضل يايوسف بيه
يوسف: فين عاصي
خدم: ١ فوق يفندم
يوسف: ليلي استني هنا رجعلك
ليلي بخوف: لا متسيبنيش
يوسف :متخفيش رجعلك بسرعه
ليلي: طيب متتاخرش
يوسف: حاضر
اتجه يوسف بعدما تركها الي الاعلي حيث غرفه عاصي خبط علي باب غرفته:
عاصي: ادخل
يوسف :عاصي ازيك
عاصي: الحمدلله
يوسف :انا جبت البنت
عاصي :طيب
يوسف: مش هتنزل تسلم عليها
عاصي بغضب:واسلم عليها ليه انا مالي بيها
يوسف :تتعرف عليها
عاصي :مش عاوز اتعرف علي حد
يوسف: طيب
عاصي: انا كلمت داده عنها وكل الخدم اللي تحت هيرعولها وياخدوا بالهم منها
يوسف: ماشي يا عاصي بعد اذنك هوريها المكان واوضتها
عاصي: ماشي اوضتها في الركن اللي تحت متطلعش فوق ابدا
يوسف: حاضر ياعاصي سلام
اغلق باب غرفته بعدما انتهي من مقابلته ثم اتجهي الي الأسفل:
يوسف: عاصي نايم تعبان تعالي اوريكي اوضتك
ليلي: ماشي
دخل غرفة واسعه وجميله بمساحه بيتهم كله
يوسف :دي اوضتك، سريرك، ودولابك، ومكتبك تذاكري عليه وبلكونه كبيره تقعدي فيها.
ليلي بفرحة: الله حلوه وفي قدام بلكونتي مكان واسع ازرع فيه ورد
يوسف: ( ورد لا بدايه متطمنش شكلي اسبوع وهيطرتك واجي اخدك عاصي وانا عارفه دماغه ناشفه) تعالي اعرفك علي داده
ليلي بفرحه: ماشي
خرج بها الي الصالون
يوسف: فين داده
الخادم: في اوضتها مريضه
يوسف: ايه مريضه
اتجهه بسرعة لغرفتها طرق الباب بلطف
داده بصوت مريض:ادخل ياعاصي
يوسف بابتسامه: انا منفعش طيب
داده: يوسف حبيبي تعالي وحشني
يوسف: وانتي بقالي كتير مبشوفكيش واتريكي تعبانه ليه مقليش عاصي
داده :انا قلتله ميقولش لحد دول شويه برد وذكام وعاصي جبلي دكتور وبتحسن اهو
يوسف: طيب الحمدلله
انهت حديثها مع يوسف ثم اتجهت بابصارها الي تلك الفتاه الجميله الواقفه بالقرب من الباب تنتظر من أحد أن يأذن لها بالدخول نظرت إلي هيئتها البسيطه والي جمالها الطبيعي عيونها بريئه ووجها يشع نورا من جمالها وشعرها الناعم يشبه الليل يبدوا علي جسمها الضعف تحت عينيها اسود من أسر التعب
داده: دي البنت الي قلت عليها لعاصي
يوسف: هو قلك
داده :طبعا
يوسف: قربي ياليلي
داده :مشالله جميله
ليلي :شكرا
يوسف :ليلي قعدت في الاوضة اللي حنبك يا داده خلي بالك منها
داده: في عنيا
يوسف: طيب استاذن انا
داده :يوسف ابقي تعالي زورنا
يوسف :حاضر
استأذن يوسف بعدما ودع داده فاطمه وليلي
ليلي :بعد اذنك حقوله حاجه وارجع
داده :اتفضلي يبنتي
خرجت وراه لتلحق به قبل ان يقود سيارتة
ليلي :يوسف
يوسف بابتسامه: ايوه ياليلي
ليلي :ارجوك خلي بالك من جويريه
يوسف: حاضر وانتي خلي بالك من نفسك انتو الاتنين مسئوليتي
ليلي :ماشي باي
كان ينظر لهم من نافذة غرفته يرمقهما بنظرات غاضبة ليغلق ستار نافذتة بغضب يمتدد علي فراشة يتحسس تشوة وجهه وندباته بانامله.
____________&&&&&_____________
- Writer
