رواية كيا

كيا "الحلقة 4"

#كيا?

#الحلقة_الرابعة

#بقلم_منى_المجبري

_______________________

مسكت "منيره" الفون ورنت على بوها بس الصوت مكنش صوت بوها ، قالت بتوتر:

_ بابا أنتَ كويس؟

_ هههههههه أنا احمد يالهبله..كنك رانه تبي حاجه ?

_ افف نحساب بابا صارتله حاجه..امم نبيه قبل ياخذ مني السفر وينه هوا؟

_ عمي قاعد مع الرجاله في القوراج ومسيب التلفون على باب العماره كنت مخطم لقيته يرن بالصدفه وباسمك رديت? توا نجي ناخذهن منك نا

_ لا خليك توا نا نجيبهن لك مرات بابا يهزب كان انت ركبت

_بس..

شاف" احمد" للتلفون وقعد مستك شويا وبعدها ققال بصوت مسموع و بضحكهه:

_ ربي يصبرني طفله وهبلهه للسقفف ..

قطعه الصوت الرقيق الغاضب:

_ أنا مش طفله على فكره ولا هبلهه أنا عاقله اكثر منك وكلهم يشهدوا ... وهاك شد السفره ?

شافلها "احمد" وقعد متنح في نظراتها وتعابير وجهها وكيف تحكي وهيَ متنرفزه ولقرنه حواجبها قعد يتنقل بعيونه في ملامحها لين وصل لراسها قرب منها تلقائيا ورفع يده .. غمضت عيونها بخوف بس فتحتهن اول ما حست بيده تخشش في الشعرتين اللي باينات من مقدمه راسها، قالتله بعصبيهه:

_ هيي أنتَ شن تحساب روحك معش تحط يدك عليا

_ مش قصدي نلمسك بس أنتِ نرفزتيني افطني لشعرك مره ثانيه بيش معش نوصلوا للي توا وصلناله... ومعش نشوفك نازله قدام العماره إلا معى هلك ?.. هيَ خشي واسمعي الكلامم

شافتله "منيره" بعصبيهه وهي تردد:

_ افف ع فكره اللي في الشارع كنت نلعب معاهم في كورة ونقرا معاهم نعرفهم قبل ما نعرفك ونعرفهم اكثر منك و..

_منيررررره خشي واسمعي الكلام احسنلك

زمطت "منيره " ريقها من الخوف وهي تشوف فيه كيف يفنص ويضغط على سنونه وقالتله بصوت واطي معبي خوف:

_ ت تمام بس مزال في سفره فوق و..

_ اركبي ومعش تزيدي حرف توا نجي ناخذها أنا السفره?

ركبت" منيره " ووطلعت بالسفره الثانيه قدام الباب ومن بعد ثواني كان "احمد " قدامها شافلها بحب وهوا ماسك ضحكته، وهيَ منزله عيونها وقالتله بزعل:

_ هاك شد اهي السفره?

_ سلم يد*ك يا مينو وتزعلش مني لكن الغيره مش بيدي واسف مكنش قصدي نخوفك مني ولا نعلي صوتي عليك لكن أنتِ الله يسامحك رقيتيلي الضغط

استكت" منيره " من اول ما سمعت مينو بصوته ونست الدنيا كلها وقعدت مينو اتردد في وذنها ضحك" احمد" على شكلهاوخذا السفره من بين يديها ونزل وهوا يفكر في اللي توا صار هل صح او خطأ، اما عمتكم" منيره" ما نضتش من صدمتها اللا على صوت امها??.. خشت" منيره" ورفعت السفر الثانيات ومشوا بيهن للي" انتصار " بيش يتغدوا مع بعض?

__________بقلم منى المجبري_____________

رفعت "دينيز" الصلايه وحطتها وسلحت محرمة الصلاة على دقة الباب، قالت باستغراب وهيَ متجهه للباب:

_ اللهم اجعله خير زعما من هما ميدقوا عليا بكل إلا في المصايب ورايحين غريبين اصلا

فتحاته وشافت زياد شافتله بإستغراب وهوا يمدلها في الشكاره اللي في يده وقاللها بارتباك ويحكي بسرعه:

_ كيف حالك دينيز.. تفضلي جبت شوية حاجات قلت نجيبلك معايا ... اسف كان دقيت في وقت مش هوا ?

_ ههههههه .. يا خيا محلاك كان تعرف قديش فرحتني ذكرتني ب بابا الله يرحمه كان مايجيب شيء إلا ويذكرني فيه?... بارك الله فيك يا زياد ربي يحفظك إن شاءالله وشكرآ لانك فكرت فيَ وتعبت روحك?

_ احم المهم فرحتك❤ محلاك لما تضحكي تعرفي ...? ع مهم تبي اي حاجه أنا قاعد مديريش غيبه اعتبريني خوك بس الكبير ولا الصغير منش عارف الحاجه هذي يحددها عمرك الحق ?

_ هههههههه عمري 19 يا باشا وانت كم عمرك ?

_ اصلا أنا كنت عارف من اول ما شفتك وقلت هذي عزوز قلتها والله ....أنا 17 يا بشه?

_ اممم مقبوله منك يا خويا?.. محلاها الكلمه شكرآ انك عطيتني شرف ه الكلمهه

_ سادك شكراً شكراً خلاص معش في بينا رسميات ... ومحلاها يكون عندي اخت في جمال العزايز هكي ??... شن رايك بعدين في ليل بعد نكمل قرايتي نلعبوا بلاستيشن

_ اوووو حشيشتي بعدك يا طيري

_ حي علمه البنت قلبت شاب ?

_ نعجبك??

_ خلاص أنا تستأذن... وإن شاءالله معرفة خير توا نتلاقوا بعدين

_ ربي يوفقك في دراستك ..إن شاء الله ☺️

طلع "زياد" وسكرت "دينيز" الباب وعزقت روحها على السرير وهيَ تشوف للسقف بعيون فرحانه:

_ ياربي ليا زمان ما حسيت بروحي فرحانه ... حسيته مختلف عن باقي هله من اول ما شفته وكيف متعاطف معايا... يا رب فرحني واكتبلي كل خير وارحم بابا وماما ?

_____________________________

خش" احمد" وهوا مبتسم ويشوف" لمنيره":

_ فدوى عطيني الشاي للرجاله

_ أنا هنا را مش منيره?

_ بطلي? ... هي نوضي عطيني الشاي

_ صبي يا مينو معايا نخاف نسيبك شوي نلقي ه العيون وكلاتك

ضحك" احمد " على اهبال اخته وخشن البنات المطبخ وطلعن بالشاهي...خذا" احمد" الشاي ووقفن اعيونه على الصوره اللي بين يدين" منيره" قعد يشوفلها وهوا مبتسم وقاللها بتمرد:

_ حلوه وأنتِ صغيره وزدتي حلاوه لما كبرتي سبحان الخالق ☻

_ اوو ومن وين تعرف أن هذي منيره.. هابا منك انتَ

_ نذكرها وهي اصغيره كانت ديما تلحق فيا☺️

ونزل "احمد" بعد كلمته وعمتكم" منيره" وجهها قالب ألوان ومتريحتش من تعليقات" فدوى"? وفاتت ساعة وخشت عليهم" انتصار "وهيَ تزغرت :

_ لووووووووليي قعدت جده ميساء جابت بنت

_ ماشاءالله مبارك خالتي ?

اما "فدوى" قعدت تنط زي الهبلهه من ثاثير الفرحهه وهيَ تردد:

_ قعدت خاله قعدت خالهه هاااااايي☻

ع خشت" احمد "وهوا مستغرب في الصوت العالي :

_ شن في صوتكم واصل لعند لوطه

_ ميساء جابت وقعدت خال ...عقبال ما نشوف عويلك يا رب ?

ابتسم" احمد" بإحراج وهوا يشوف "لمنيره "تشوفله:

_ إن شاءالله... ماشاءالله إن شاءالله من حفظت القرآن ☺️

احمد

...

???????

#بقلم_منى_المجبري✍

يتبع.......

رايكم يهمني وديروا متابعه للايميل وسيبوا رايكم في كومنت❤❤