كيا" حلقة 3"

1157 Words

#كيا? #الحلقة_الثالثة? #بقلم_منى_المجبري✍ _________________________ خشت "منيره" وتلقتها خالتها وضاقت السفنزات? وما عقبت اكليمه مدح إلا وقالتها ، ومن بعدها قالت "منيره" بأحرج: _ سلمك يا خالتي ?، ماما جنى راقده لبستها ردت رقدت وين نحطها _ اهي حطيها في الدار ل مقابله خليها تكمل نومها خشت" منيره" وفي يدها وخيتها حطتها على السرير وجت بتبرم وشهقهه ببراءه وهيَ تشوف في "احمد" يشوفلها ومبتسم وشاد الابتوب بين يديه وعا** ضيه على وجهه ومبين ملامحهه وعويناتهه وابتسامته? وقاللها بهمس: _ بسم الله عليك خيرك انخلعتي? _ احم منحسبش أن في حد في الدار اسفه خشيت حتى بدون أستاذان _ الشقه شقتك تخشي وين ما تبي بدون استاذن ومفش داعي للاسف والرسميات بينا يا منيره? _ ☺️ إن شاءالله سرحت" منيره " في كل كلمه قاللها ونست وجوده بكل قطع سرحانها صوته: _ مواليد كم أنتِ فكرت "منيره " إن مرات زي اي شاب يبي يلعب وردت عليه ببرود : _حاجه متخصكش?? وقبل ما تلف وتطلع خشت "رابحه" وهي تردد: _ نجحتي يا مينو نجحتي من أول سمستر مبارك بنيتي مبارك _ يبارك فيك ماما ? ابتسم "احمد" وهوا يشوف في "منيره" وكيف تبكي من الفرحح وسأل اول سؤال جاء في عقله: _ مبارك مبارك شن تخصصها يا خالتي منيره ? _ يبارك فيك يا عيون خالتك عقبال تخرجك يا رب ، منيره مواليد٢٠٠٠تخصصها صيدله واهوا اول سمستر تريحنا منه عقبال الباقي يا رب _ إن شاءالله ? شاف" احمد " لمنيره" وغمزلها ? طلعت من الدار وخشت غسلت وجهها لقعد زي حبه الطماطمه?? _________________________ سكرت "دينيز" المصحف إللي بين يديها وشافت "لهنيه" لواقفه قدام الباب وتشوفلها بغل، قالتلها بصوت تاعب من هموم الدنيا : _ نعم في حاجه كنت نقرأ را مسمعتكش شن قلتي _ لا مفش شيء غير مفروض يعني تحسي ع دمك شويا وتنوضي اضمي الحوش لعند امتى بديري روحك حزينه را الجو هضا ميمشش معانا زي ما تاكلي وترقدي ببلاش لازم تعاوني في ه الحوش ? حللي ما كلتك يا ماما فتحت "دينيز" عيونها بصدمه ونزلن دموعها بحرقهه ولسانها ارتبط بدت تهز في راسها وتحاول تستوعب كل حرف قلاته بنت عمها ? ، طلعت "هنيه" بابتسامه بعد عرفت ان الفكره وصلت "لدينيز"?خذت "دينيز" نص ساعهه وهيَ تفكر بعدها مسحت دموعها ورفعت شعرها وحطت وشاحها وطلعت بكل قوة؛ خذت سطل الميه والصابون والنشافهه والمكنسه وخشت للمطبخ كملاته وبعدها انتقلت للصاله على طلعت "حميده": _ ???? _________منى المجبري✍❤__________ خشت" منيره" للمطبخ وبدت تعاون في" فدوى" وماخلتش قعدتههن مع بعضهن من الضحك ؛ فجأه خش" احمد يشرب في اميه" رفعت" منيره" وشاحها اللي معزوق على كتفها بإهمال وتن*دت براحه ، قعدت فدوى تنتقل بنظرات عيونها بين "منيره" "واحمد " ومن بعدها انفلقت ضحك وهيَ تردد: _ههههههههههههههه?? ووه وجوكم قرر شن ه الحشم المطرطش بس وربي خايلين ع بعض.. حي يا احميده كان نخدوها لك شن رايك ها ? خشت "منيره" في بعضها من الحشمه ، اما "احمد" طبس عويناته ولف بيطلع وهوا يقول: _ معندش مشكله غير توافق هيَ بس ? وتطلقها "فدوى "تصفيره ضحكت منيره وهي حاطه يدها على خدودها من كلامه ?❤، شافت" فدوى" "لمنيره" وهيَ تردد: _ اوويي هي خفي يدك يا هايمهه خلينا نحطوا العشاء را مصارين بطني يطلعن ياكلنك ? _ ☺️?? به به وأنتِ ديما بتاكلي حطوا العشاء تتعشوا وخشت" منيره" خدت وخيتها وطلعت ورا امها وروحوا لشقتهم حطت "جنى" في مرقدها وخشت دارها دارت دوشها اليومي ولبست بيجامتها وقرت اذكارها وتمددت ع السرير وقبل ما تغمض اعويناتها مشي فكرها عند" احمد" وخشت في حوار داخلي بينها وبين روحها: _ توا احمد معقوله يحبني شن بيحب فيا وهوا سبحان الله جماله مش عادي عيون زرق ونا عيوني بنيات حواجبه اثقل من حواجبي ولحيته مرسومه ملامحهه احلى مني زعما شن عجبه فيا بس ويبيني ولا زي شباب يلعب امم افف...خليني نرقد حتى نا فاضيه?‍♀️? _____________✍منى المجبري✍_________ فتحت "دينيز" عيونها على كبرهن من الصدمه وهيَ تشوف لحميده كيف تلم في النشافه والميه وهيَ تردد: _ ينعاليا يا حشمتي معقوله يا بنيتي تسيقي وتعبي ه اليدين النعمات ونا موجوده لالا ما عجبتنيش منك الحق... عدي تريحي زيك زي هنيه نخاف على بنياتي أنا? _ ت تمام?.... قالت" دينيز " كلمتها وهيَ في حاله صدمه والتفتت بهدوء وطلعت وركبت للدار اللي عطوها لها وهيَ تخمم ليش "حميده "دارت هكي شن ليتغير في لحظه؟؟ طلعت" هنيه" وهي تلوح بيدها وتمتم: _ تي وينها المصيبه خيرها ما جت لمت تحساب روحها ملكه مالا و _ اسسس اسكتي يا هبله ... أنا قلتلها ورد بالك اديري الجو لقتلك عليه عامليها كويس وخليك طيبه معاها _ بس كيف عليش هكي يا ماما نحنا ما صدقنا نعذبوها تن*دت حميده بهيام وهيَ تردد: _ يا هبله يا هبلههه مطيوحه السعد اللي تبي تعذبيها ثروتها مليون ونص بوها وامها سيبوهن لها وتوا نحنا لنبوا ناخذوهن... فكري بعقل بيش نعيشوا في القصر ل خاطري فيه _ووووووااكك هضا كله للي ما تسوي قرش ? _ هههههه هضا كله لنا قصدك .. هيَ هبله زيها زي امها بكلمتين تجي .. توا نديروا روحنا نحبوها ونحنا هلها ووو وناخذوا لهناك ونعزقوها للكلاب ? _ اووو ونجيب الأيفون لخاطري فيه ونفشك على سهى وسهير التفتت "حميده" و "هنيه" على صوت ضحكت "سيف" وهوا يردد: _ أوباا وه تضحكلك الدنيا يلا يا سيف?? _ فجعتني عاطك ما ينزعك يالله _ نهون عليا ياامي? بعدين نا ولدك الغالي اللي ه يشعف بنت عمه? _ لا مدام هكي ربي يعطيك الصحه يا وجهه الشر أنتَ.. را نسمع حرف طالع لزياد ولا تحسس البنت وتهددها نهارك اسود ×اسود _ لا منش غ*ي نا? وطلع " سيف " ووراه امه وركبوا للدار يكملوا في عقاب الخطهه??، قالت" هنية "بحقد _ هابا هكي الهل الصح ولا بلاش كانوا عايشين معيشينها في جنه ماتوا سيبولها ثروة ماهي ثروة عليك حظ عندها ه الفرخهه وهابا على بختك يا نينو كان يموتوا ما نقعد غير في الشارع وتوا قاعده شبهه شارع ?? ________✍?منى المجبري ✍____________ ناضت "منيره" على صوت عياط" جنى " مشت رفعتها من مرقدها وطلعت ولعت ال Tv وحطتلها طيور الجنه ? وحطتها وانسجمت عاد مع قناتها المفضله❤.. وخشت "منيره " للمطبخ جهزت الفطور على صوت فيروز.. وطلعت واعت بوها و امها وحطتلهم الفطور و قعمزت تفطر معاهم (محلاها لمة العيله)?، سموا بالله وبدوا ياكلوا ويهدرزوا قال سعيد : _ اليوم نبيكم اديروا الغداء وتحسبوني أنا ورجب واحمد ومعانا اثنين اخري احسبونا في قصعتين _ حاضر من عيوني .. بس من اللي جايكم؟ _ واحدين معارفي وفي نفس الوقت يقربوا لرجب وعزمناهم اليوم _ مرحبتين بيهم ? من اول ما سمعت" منيره " بإسم "احمد" وهيَ سارحهه مما لفت انتباه سعيد وقال: _ خيرها منيره ساكته قبل الفطور ديما بهرجتها؟ ردت منيره ووجها زي الطماطم: _ هههه لا غير مزلت ناعسه? _ هي نستأذن أنا بننزل نوتي القوراج .. سفره دايمه نزل "سعيد" وخشت "منيره " وامها للمطبخ وكملن غداهن ع الظهر ❤ ، قالت "رابحه "بحب وهيَ تغطي في القصاعي: _ رني علي بوك قوليله توا ننزلك بالقصعتين تلقاهن مني وبعدها اركبي وخوذي القصعتين هذين عند خالتك نمشوا نتغدوا مع خالتك وفدوى خير مانقعدوا بروحنا اللمه سمحه _ هي حاضر? مسكت "منيره" الفون ورنت على بوها بس الصوت مكنش صوت بوها? ?? ??????? #بقلم_منى_المجبري✍ يتبع....... رايكم يهمني وديروا متابعه للايميل وسيبوا رايكم في كومنت❤❤

Free reading for new users

Scan code to download app

App Store Google Play

Facebookexpand_more