رواية كيا

رواية كيا"الحلقة الثانية"

#كيا?

#الحلقة_الثانية?

#بقلم_منى_المجبري✍

_________________________

ضحكت"دينيز" بعدم تصديق وهيَ تردد:

_ بابا ماما عطوني عمرهم ؟ عمرهم ؟؟؟

وقعدت تخبط في رأسها فِ الساس لا شعوريآ وعمها يمسك فيها لين اغمي عليها بين يديه ونقلها للمستشفي ؛ فتحت "دينيز "عيونها وحست بيد حنونه على راسها،شافت جنبها لقت ممرضه واضح انها كبيره في العمر ودموعها على خدودها وتردد:

_ ربي يصبرك حبيبتي ربي يصبرك ويصبرني..ويصبرني?

نزلن دموع "دينيز" لما ردت ذاكرتها للي صار قبل ما تفتح اعيونها وتلقي روحها بين حيطان المستشفي ،حاولت اتحرك بس في دوخه غريبه ومش قادره تحرك جسمها وراسها ومع احساس الحنان اللي حست بيه اللي سببه اليد اللي تربت على شعرها ردت غمضت اعيونها بضعف مستسلمه لعالم النوم ?

تن*دت "هديه" بغصه وهيَ تمسح في دموعها وتلعب بشعر "دينيز" وفي حوار داخلي بينها وبين روحها قالت:

_ أنا صابره طول ه العمر في بعده بس كنت مطمنه أن يتنفس من نفس الأ**جين الى نتنفس فيه وراضيه بحكم الله بس توا شن بيصبرني ومن بيواسيني على الأقل أنتِ يا دينيز تقدري تبكي وتقولي ليش بس أنا نبكي وشن نقوللهم شنن ?

_________________________

جاء وقت الغذاء وركبوا الرجاله وبدت" منيره" تعاون في امها وتحط في الماكلهه?، خشت" انتصار" وهي تشوفلهم بنضرات حب:

_ خليني نعاونك يا خيا حرام تعب على منيره

ابتسمت "منيره" بحرج وهي تردد:

_ لا ما عليك خالتي أنا متعوده على هكي ونحب المطبخ

_ غير عدي تريحي يا انتصار لين نجيبوا السفر كل شيء جاهز ومفش تعب بلع** جيتك يا وخيتي فرحتني

هزت" أنتصار" راسها براحه وطلعت وبين عيونها منيره وكلامها وحركتها وقالت :

_ يا خيتي على صغر سنها لكن مقننها?

حطت "رابحه" السفر وقالت :

_ هي سلم بنيتي ارفعيهن للرجاله وتعالى ارفعي هذين للصبايا

هزت" منيره" راسها ورفعت السفر بيدين يرجفن ووقفت قدام المربوعه وقلبهاا بدأ يدق بجنون أول ما سمعت صوته ايواا صوتهه هوا الوحيد إللي اخترق وذاننها أو الاصحح اخترقق قلبها وكأنه سهمم صياد محترف? ؛ تنحنحت برقه وخشت وطلقت السلام وهى مطبسها راسها وحاطه عيونها في الأرض ونزلت السفر ووقفت باعتدال وهيَ تشوف لبوها ل قاللها:

_ تعالي يا منيره سلمي على عمك رجب وولد خالتك احمد

قربت منيره وهي مرتبكههه ومضايقها الاحساس اللي أول مره تحس بيه حاسه أن في حاجه تحوحز في قلبهاا ? وبدون ما تمد يدها قالت بحرج وخدودها نحمرن:

_ ال السلام عليكم☺️ كيف حالكم

رفع" رجب "حاجهه بصدمهه أما "احمد" ابتسم براحهه ورد:

_ الحمدالله بخير وأنتِ يا بنت الخاله?

_ الحمدالله في نعمه ?

تنحنح" محمود" بإحراج و هوا يقول

_ معلش منيره اتحشم متسلمش على الرجاله

رد "احمد "بهدوء :

_ربي يحفظها و يبارك فيها يا عمي?

ابتسمت "منيره" وطلعت بملامح هاديه ع** حرب الطبول اللي في قلبها ? ، رفعت السفر الصبايا وقعمزت جنب" فدوى " وبدوا أكل وهدريز.. قربت "فدوى "وهمست" لمنيره" بكلمات خلنها تضحك بدموعها وهيَ تسمع في الكلام وتشوف لطريقة حكيها وكيف تشقلب في يدها وعيونها يحكن قبل لسانها:

_ ويش ذا يا كبدييي اشي عصابين اشي لحمات ملزلزات اشي بطاطا امبطنهه امتى حصلتوا وقت لهضا كلهه لانقنهه مصارين بطني قعدات يزغرتن ?

_ ههههههه? صحتين على قلوبكم يا قلبي، محلاك يا خيهه كيف عفاويهه

_ ما عليك في عفويتي مش وقتها توا ، هي خليني نأكل قبل ما يخذني الكلام وما نلقي شيء?

_ هههههههه لا في هذي معاك حق هي سمي بالله☺️

وكملوا ماكله ورفعت" منيره" الصحون والسفر وغسلتهن هيَ و"فدوى" ومخلتش غسلت الماعين من الضحك بسبب حناطهه "فدوى" وخفة دمها❤

_____بقلم منى المجبري✍❤_____

"بعد مرور اسبوع"

لبست "دينيز" عبايتها وناضت بألم من على سرير المستشفي إللي قبل سويعات كانت تحساب روحها ه تكون من ضمن موتي سرير المستشفي من قبل سويعات حست بيهم حست بضحاكاتهم همساتهم حتى لمساتهم همومهم،فرحهم،حزنهم،تفكيرهم ،من قبل سويعات كانوا زينا في ه الدنيا اللي تضرب فينا بموج اهمومها لين نستنا إن هذي دنيا فارغهه وإنا لله وإنا إليه لراجعون وإنا في جنهه تستنا فينا فيها من كل ما لذ وطاب فيها واقع لكل أحلام الدُنيا فاللهم حسن الخاتمه?

شافت لليد إللي تساعد فيها أنها توقف لليد الوحيده إللي لقتها جنبها في **رتها؛ ابتسمت "دينيز " ل "هديه" ابتسامهه معبيهه شكر معبيه امتنان ابتسامه ابلغ من الكلام ابتسامه مختلطه بدموع القهر والوحده والصدق وهيَ تردد:

_ تعبتك معايا واجد أنتِ فعلا أسم على مسمى ، ربي يعوضك خير على تعبك معايا

نزلن دموع "هديه" بحرقه وهيَ تذكر نفس الكلمه انقلتلها من شخصها المفضل، شافت" لدينيز" وهيَ تقوللها بنبره ترجي:

_ مفش داعي لهلكلام يعلم الله إنك غاليه عليا وحبيتك من أول ما شفتك لانك شبهه حد يعز عليا ونا مفتقدته، واعتبريني زي أمك ..ونا نبي نشوفك كل فتره وفتره نبي حتى رقمك على الأقل .. ونبي نعرف مواليدك لو ممكن

سرحت "دينيز" بعيونها وهيَ تفكر وتحكي مع روحههها في الكلمهه زي امك؟؟؟

_ اهه محد يقدر يوصل لمكان ماما محد يقدر يعرفني زيها ياريتها خذتني معاها ياريت

رفعت عيونها ل" هديه" و قلتلها بانطفاء:

_ أنك تشوفيني والله منعطكش كلام رسمي مرات عمي ومراته ييضايقوا بس هيَ سجلي رقمي ٠٩١.?.. مواليد 99

وبعد لحظات ودعت "دينيز" الممرضه" هديه " وطلعت ورا الشخص ل شورلها بعيونهه الشخص لكانت تشوف فيه من بعيد لبعيد ، وصلوا للسياره فتحت الباب الخلفي وركبت وسندت راسها على الروشن وهيَ تردد بينها وبين روحها:

_ اخخ حتى الهواء قعد يخنق فيَ رحمتك يا رب رحمتك يا رب..

قطع حديثها الداخلي خبطه تسكيره باب السيارة والصوت الرجولي:

_ عظم الله اجرك يا بنت العم ،أنا سيف اكيد شايفتيني بس متعرفنش عن قرب أنا مواليد ٩٢ بما انك ه تكوني معانا في الحوش فقلت نعرفك على روحي?

_ اجرنا واجرك على الله ?

سكت" سيف" للحظات وهوا يراجي في أي مبادره منها بس بدون أي فايده.. قال:

_ مواليد كم أنتِ يا دينيز

تن*دت "دينيز" بضيق وردت لفت راسها وقعدت تف*ج على الطريق وكأنها مسمعتش ومردتش عليه بحرف والحركه هذي حرقاته وولعت نيران ال..?، بعد دقايق وصلوا ونزلت دينيز بدون ما تقول نص حرف خشت للحوش وشافت مرات عمها "حميده" وعمها والشباب والبنت الوحيده "هنيه" عزوها وركبت للدار اللي عطوها لها وهيَ مش طايقهه حد ولا طايقهه النفاق العائلي?، خشت الحمام "يكرم للقارئ " دوشت وطلعت صلت وقرت قرأن وهيَ تبكي بالعبره معندها حد يحس بيها إلا إللي خالقها وبعدها رقدت وهيَ غمضت اجفونها واستسلمت للنوم بكل براءه.

قالت" حميده" بغل:

_ وووه مسمومه زي امها وفوقها شايفه روحها ماني عارفه عليش

ردت" هنيه" بغيره:

_ مالت عليها دايره روحها الكيوت الدلوعه تي حي كان ما طلعته منك ه الدلع وخليتك تبقي مراجع ما نقعد اهنيوه?

تن*د "زياد " بقهر وهوا يردد:

_ لا حول ولا قوة الا بالله تي كنكم انتوا را البنت هلها ميتين مطقوا شيء وخوالها بعاد ونحنا أولى بيها منهم مفروض نكونوا جنبها مش نديروا هكي راعوا ربي فيها راعوا ربي?

ضحك "سيف " وهوا يهز في راسهه بخبث:

_ من ناحيتي كونوا مطمنين??

ردت "حميده "بكرهه:

_ فكوني من الدروشه ايوا ومحد يدخل جت لعندي وه نطلع اللي داراته فيَ امها كلهه

طلع "زياد " وهوا مقهور اما مفتاح مقلش حرف وكأن" دينيز" شخص غريب مش من لحمه ودمه اما باقي العيله كل شخص ناويلها على نيهه شكلل?

_______________________

"بعد مرور اسبوع"

_ صار من الشقة وشروها "احمد" واهله وولوا جيران عيت خالتهم وقعدوا كل عشيه يا" رابحه" عند انتصار يا "انتصار "عند رابحه ويا محلى لمه العيله?، خشت "انتصار" على" منيره" وهيَ حاطه عبيتها عليها وقالت:

_مينو أنا ماشيه لخالتك ديري سفنز وجيبيه وجيبي وخيتك ولحقي عليا

_ هيَ نص ساعه ونكون احداك☺️

طلعت" رابحه" وخشت" منيره" للمطبخ وخذت عجينه السفنز إللي سبق وعجنتها من ساعة وبدت تقرص فيها وتفرد فيها على ظهر الصونيه وسخنت الزيت وقلتها وحطتها في هضك التبسي وغطتها وخشت لبست ولبست وخيتها وطلعت.

" عجينه السفنز:

كوبين دقيق، ملعقة ك خميره،ملعقتين ك سكر ،ملعقتين ك زيت ، ماء دافئ للعجن، اعجنيهن مع بعض ومتكونش شاده واجد العجينه وخليها ساعه تخمر بعدها أبدي فيها وزيت يكون سخون?"

خشت "منيره" وتلقتها خالتها وضاقت السفنزات? وما عقبت اكليمه مدح إلا وقالتها ، ومن بعدها قالت "منيره" بأحرج:

_ سلمك يا خالتي ?، ماما جنى راقده لبستها ردت رقدت وين نحطها

_ اهي حطيها في الدار ل مقابله خليها تكمل نومها

خشت" منيره" وفي يدها وخيتها حطتها على السرير وجت بتبرم وشهقهه ببراءه وهيَ تشوف في "احمد" يشوفلها ومبتسم???

______________________

???????

#بقلم_منى_المجبري✍

يتبع.......

رايكم يهمني وديروا متابعه للايميل وسيبوا رايكم في كومنت❤❤

بعد مرور اسبوع"

_ صار من الشقة وشروها "احمد" واهله وولوا جيران عيت خالتهم وقعدوا كل عشيه يا" رابحه" عند انتصار يا "انتصار "عند رابحه ويا محلى لمه العيله?، خشت "انتصار" على" منيره" وهيَ حاطه عبيتها عليها وقالت:

_مينو أنا ماشيه لخالتك ديري سفنز وجيبيه وجيبي وخيتك ولحقي عليا

_ هيَ نص ساعه ونكون احداك☺️

طلعت" رابحه" وخشت" منيره" للمطبخ وخذت عجينه السفنز إللي سبق وعجنتها من ساعة وبدت تقرص فيها وتفرد فيها على ظهر الصونيه وسخنت الزيت وقلتها وحطتها في هضك التبسي وغطتها وخشت لبست ولبست وخيتها وطلعت.

" عجينه السفنز:

كوبين دقيق، ملعقة ك خميره،ملعقتين ك سكر ،ملعقتين ك زيت ، ماء دافئ للعجن، اعجنيهن مع بعض ومتكونش شاده واجد العجينه وخليها ساعه تخمر بعدها أبدي فيها وزيت يكون سخون?"

خشت "منيره" وتلقتها خالتها وضاقت السفنزات? وما عقبت اكليمه مدح إلا وقالتها ، ومن بعدها قالت "منيره" بأحرج:

_ سلمك يا خالتي ?، ماما جنى راقده لبستها ردت رقدت وين نحطها

_ اهي حطيها في الدار ل مقابله خليها تكمل نومها

خشت" منيره" وفي يدها وخيتها حطتها على السرير وجت بتبرم وشهقهه ببراءه وهيَ تشوف في "احمد" يشوفلها ومبتسم???

______________________

???????

#بقلم_منى_المجبري✍

يتبع.......

رايكم يهمني وديروا متابعه للايميل وسيبوا رايكم في كومنت❤❤