CHAPTER 61
THE MAFIA LADY BOSS
JOEMAR ANCHETA
“Natagpuang patay si Senator Falcon at ang kanyang mga bodyguard sa isang club sa Makati…” Inilipat ni Leigh ang estasyon ng TV.
“Ngayon naman Ted, ay inaalam na ng pulisya kung sino ang mga salarin….,” muli niyang pinindot ang remote control.
“Wala pa rin pagkakakilanlan kung sino ang mga pumatay dahil walang makuhang ebidensiya at wala ding makuhang…,” napangiti si Mia. Laman pa rin ng mga TV, pahayagan at radio ang nangyaring pagpaslang kay Senator Falcon ngunit tulad ng mga nakaraan niyang pagpatay, hinding-hindi nila malalaman ang pagkakakilanlan ng mga salarin. Hindi nila masabi kung sino ang nagpatumba sa Senator.
Tuluyan na niyang pinatay ang TV.
Lumabas siya dala ang kanyang kape. Hinayaan niyang sinagan siya
