"Hep! hep!"
"Hooray," sagot ko, kaya napatampal na lamang sa kaniyang noo si Franchie. Paano ba naman kasi, ay papunta kami ngayon sa gym, para sa PE class namin.
Ilang linggo na rin mula noong pumasok ako sa eskwelahan na ito. mayroon na rin akong mga nakausap, dahil na rin sa interaction sa tuwing may mga group activities. At halos tatlong araw na rin nang tumigil sa pangungulit si Zyker. Pero hindi ko naman siya masyadong iniisip, 'no. Mas maigi ngang wala siya sa paligid ko dahil tumatahimik.
Ang gulo lang kasi kapag kasama namin siya, lalo na kapag kabilang na rin si Xier. Ang ingay, tapos puros palitan ng mura pa ang aking naririnig.
"Baliw. Pinipigilan kasi kita." Umirap siya. "Bakit ang ganda mo kahit simple lang naman ang suot mo, at parehas lang naman tayo ng suot. Wala ka
