NAKANGISING itinulak ni Roldan si Helena papalapit sa amin. Pinagmasdan ko ang babae na noon ay namamaga at pulos dugo ang mukha dahil sa suntok na natamo.
“Tawagan n’yo na si Callyx! Tutal andito na si Helena at kanina pa ako kating-kati maglaro!” Naagaw ng sinabi ni Roldan sa mga tauhan ang atensyon ko. Plano talaga niya kaming gamitin para makakuha ng pera kay Daddy.
“R-Roldan, m-maniwala ka…w-wala akong kinalaman—”
“Hindi mo na ako maloloko Helena! Akala mo ay hindi ko alam na binalak mo akong ipapatay? At nang pumalpak ka ay isinumbong mo pa ako sa mga pulis na hayop ka!” asik agad ni Roldan.
Nabasa ko ang lalong pagdaan ng takot sa mga mata ni Helena. “H-Hindi ko magagawa ang ibinibintang mo! Baka nagkakamali ka lang! M-Mahal kita—”
Umalingawngaw ang halakhak ni Roldan sa buong
