Shein
ILANG ulit na kumurap si Shein. Hindi siya pwedeng bumigay dahil lang sa nasasaktan siya. Pilit niyang pinatatag ang sarili. Oo masakit ang mga nalaman niya. Ano ba ang laban niya sa unang babaeng minahal ni Eon? Wala!
Kaya hindi rin tama na basta na lang siyang umaktong nasasaktan. Pero kasi naman! Mariin niyang nakagat ang ibabang labi. Kailangan niyang maging matatag. Huminga siya ng malalim. Nakangiti siya ng tumingin sa mga mata ni Mr. Quenzel.
"Salamat po sa pagsasabi sa'kin. Ngayon may ideya na ako kung bakit ganun na lang umakto si Althea sa kanya." Salita niya sa pinatatag na tinig.
Kunot ang noo ng kasamahan habang nakatingin sa kanya. Tila may nais pa itong makita. Pero pinanatili niyang walang emosyon ang mukha. Na para bang baliwala lamang sa kanya ang mga sinabi ni
