Shein
ISANG linggo na simula nang makalabas si Shein sa ospital. At kahit anong pilit niya hindi pa din niya nagawang mapapayag si Doc Eon sa gusto niya na doon na lamang sa bahay nito magpagaling. Sa tuwing nagpupumilit siya, sinisimangutan at itinataboy siya ni guwapong doktor niya. Kaya heto siya sa silid niya nakatulala habang nag mumuni-muni. Nakaupo siya sa kanyang kama habang nakatingin sa cellphone niya na hindi pa din niya nabubuksan.
Hindi niya maalala ang passcode! O kung ano mang password na inilagay niya doon!
Problema din niya ang camera na hindi niya alam kung saang lupalop napadpad ang memory card na tanda pa niyang binili niya. Balak pa naman din niyang ipakita sa a-apply-an niyang trabaho ang mga nakuha niyang litrato. Naka save 'yon lahat sa memory card niya. Gusto n
