“What’s the meaning of this?” Tiningnan ni Dylan ang driver pero nagkibit-balikat lang ito.
“Hindi ko po alam, Sir. Nagulat na lang ako kanina nang makita ko na hindi siya nakasuot ng wedding gown, may dala siyang malaking bag, at pinabibigay sa ‘yo ‘yang sulat.” Turo nito sa papel. “Pinapasabi niya din po na humihingi siya ng tawad sa nagawa niya.”
Biglang tumulo ang luha niya dahil sa sakit na naramdaman niya pero agad niya din itong pinunasan dahil ayaw niyang makita ng mga tao. Hindi siya makapagsalita, ni hindi siya makagalaw sa kinatatayuan.
“She already choose and she didn’t choose you.” Napatingin siya kay Wyatt.
“Anong ibig mong sabihin? May alam ka sa pag-alis niya, sa hindi niya pagsipot sa kasal namin?” Malungkot itong tumingin sa kanya. “Anong alam mo, Wyatt? For damn sake
