"Huwag kayong magpahalata na hindi kayo taga rito."
Muntik nang mapatalon sa gulat si Carson nang may biglang umakbay sa kaniya at magsalita sa kaniyang tabi. Nang lingonin n'ya kung sino ay nakita n'ya ang lalake na isa sa mga nagpakilala sa kanila kanina. Nakangiti ito habang nakatuon ang buong atensyon sa kumpol ng mga tao na sumasayaw sa gitna ng plaza.
Nakangiti itong lumingon sa kaniya at kumindat. Sinulyapan n'ya ang kamay nito na nasa kaniyang balikat. Hinawakan n'ya ang gitnang daliri nito saka ito ibinaba.
"Pasensya na, medyo mabigat kasi," aniya rito. Sinabayan n'ya ang mahinang tawa nito.
"Nasaan ang mga kasama mo?" Natatawang tanong nito.
Sa tingin naman n'ya ay mas matanda ito sa kaniya ng ilang taon. Maliit na siguro ang limang taon pero hindi iyon halata kung sa m
