Maingay ang kalsada na konektado sa kung nasaan ang plaza dahil sa mga taong nagpapabalik-balik. Diretso ang mga mata ni Carson sa daan habang naglalakad sa bandang gilid. Si Jessa at Vicky ang katabi n'yang naglalakad.
Nauna sa kanila sina Lucas at ang dalawa pa nitong kasama na sina Sergio at Ralph. Hindi n'ya alam kung nasaan ang ibang kasama pero iyon ang naging plano nila, ang hindi magsabay sa pagdating sa bahay ng kapitan.
"Marami sa mga kasamahan mas bata," mahinang sabi ni Vicky habang nakayuko ito.
Tumango si Carson dahil napansin n'ya rin 'yon. Nakita n'ya ang mga kanina pa kasama ni Ralph. Ngayon lang din nila nakilala si Ralph. Kanina pa n'ya napapansin na may pagkakataon na lumapit ito sa iba nilang mga kasamahan kaya alam n'ya na agad na party ito ng samahan.
"Hindi
