"Bakit hindi pwede? Bakit gano'n ang nangyari? A-Ano bang nagawa ko sa mga Salvedo at unti-unti nilang inaagaw ang mga mahal ko?!" Napaluhod ako sa harap ni Miss C habang patuloy ang pagbuhos ng mga luha ko.
Hinila ako ni Miss dito sa gilid ng hotel. Kalmado ang hangin sa gabing ito at ang bawat pagsayaw ng alon ay malumanay ngunit ang pagdaloy ng galit, sakit at pagtataka sa aking loob ay sumalungat sa timpla ng gabing ito.
Hindi ko alam bakit kinakalaban ako ng tadhana? Kung kailan dumating si lucas sa buhay ko mas magiging malaya ako at hindi na muli ako makakapagtanim ng galit pero bakit mas lumalim ang hukay nito at sa sobrang lalim ay gusto ko nang ilabas?
Patuloy ako sa paghagulgol na tanging naghahabol na'ko ng hininga. "Shhh..." Naramdaman ko si Miss C na hinahagod ang aking l
