"Akala ko iniwan mo na ako," sambit ni Franz pagkapasok ni Joymi sa sasakyan nito.
"Sisihin mo ang kaibigan mo kung na-bored kang maghintay," sagot naman ni Joymi habang nagsusuot ng seatbelt.
"Okay lang naman sakin. Basta ikaw, handa akong maghintay kahit gaano pa katagal." Salubong ang kilay at kunot noong nilingon ito ni Joymi pero hindi ito nakatingin sakaniya. Nakapikit ito habang nakasandal ang ulo sa headrest.
Napapailing na lamang tuloy siya bago pinaandar ang sasakyan. Mukhang nagdedeliryo na yata ito kaya kung ano-ano ang sinasabi. Kanina niya pa napapansing kakaiba ang kilos at pananalita nito kumpara noong mga nakaraang araw na magkasama sila roon sa opisina. Gusto niya na tuloy na dalhin ito sa hospital. Baka kasi umakyat na sa utak ang lagnat nito kaya ganoon.
"Paborito n
