"Okay ka lang ba, Sis? May problema na naman ba kayo ni Sir? Kanina ka pa walang imik diyan, ah. May nangyari ba? Nagtalo ba kayo?" nag-aalalang tanong ni Lyka nang mapansin ang pananahimik ni Joymi. Nakapila na sila ngayon sa cafeteria para sa kanilang lunch.
"Ha?" tila wala sa sariling sagot naman ni Joymi. Hindi niya kasi talaga narinig at naintindihan ang sinabi nito.
"Oo nga, Joy. Mukhang wala ka sa sarili mo today. Napansin ko rin kanina na ilang beses kang nagkamali kahit sa pag-print na lang ng daily monitoring report natin. Hindi ba maganda ang pakiramdam mo?" tanong naman ni Mira at saka dinama ang noo niya.
"O-Okay lang ako," sagot niya at saka pilit na ngumiti para hindi na mag-alala ang mga ito pero ang totoo niyan ay kagabi pa nga siya tila wala sa sarili at hanggang ngayo
