Nagkaroon ng excuse si Joymi na hindi tumabing matulog kay Franz at hindi na rin natuloy ang plano nilang pamamasyal ngayong linggo dahil bigla na lang nilagnat at sinumpong ng hika ang kanilang panganay. Halos wala pa ngang tulog si Joymi at ang kaniyang ina dahil madaling araw na ng bumaba ang lagnat ng anak.
"Mukhang nasobrahan niyang mapagod at maglaro kahapon. Natuyuan kasi ng pawis kaya inubo. Pinainom ko naman siya kaagad ng gamot pero nauwi pa rin sa hika," nakangiwing sambit ng ina ni Joymi habang nakatingin sa apong malalaki pa rin ang paghinga habang natutulog. Kagabi pa ito nakokonsenya dahil pakiramdam nito ay kasalanan nito ang pagkakasakit ng apo.
"Huwag mo ng sisihin ang sarili mo, Ma. Ang mahalaga ay unti-unti naman ng umaayos ang pakiramdam niya. Mag-a-alas sais na ng u
