Kulang na lang ay lunurin na ni Joymi ang sarili sa kusina matapos silang makapaghapunan. Pumanhik na ang mga magulang niya sa itaas kasama ang mga bata at ganoon din si Franz. Isipin pa lang niyang magkatabi silang matutulog kahit wala naman silang gagawin ay sumasakit na agad ang ulo niya. Kanina lang ay pasimple silang nagbabangayan tapos ngayon ay magtatabi sila. Sa tinagal-tagal ng panahon na hiwalay sila ng tinutulugan ay tila ba hindi na siya komportable.
Hinugasan niya na lahat ng puwedeng hugasan sa kusina at nang hindi makontento ay nilabhan niya na rin ang mga maruruming damit na nakatambak doon sa banyo sa ibaba. Inabot na nga siya ng alas onse sa kakakulikot ng kung ano-ano sa bahay. Pabagsak na umupo siya sa may sofa sa sala nang wala na siyang maisip na gawin. Isinandal niy
