عائلة القادر

في بيت جميل .. في مكان أجمل ( أحد الأماكن الراقية ) فيلا { يونس القادر} .. الساعة : ٩ صباحاً . يوم : الثلاثاء . أمام الفيلا .. نزل شاب من السيارة و.. صباح الخير يا عم دسوقي .. نظر دسوقي للشاب وقال .. الشاب بدهشة : ايه يا عم دسوقي مش انا جيت امبارح وانت قولت ان الآنسة ياسمين مش هنا وقولت اجي النهاردة ؟؟ دسوقي بتذكر : اااه ، معلش يا ‏ابني العتب على النظر أصلي لسة مفطرتش !.. الشاب : مفيش مشكلة يا عم دسوقي .. ممكن اخش ؟؟ عم دسوقي : لا يا ابني اصل العيلة بتفطر وم***ع حد يجي في الوقت دا بس انا نسيت اقولك امبارح !. "م***ع" قال هذا الشاب بدهشة وتابع : ممكن اقعد جنبك هنا ولا م***ع !!! دسوقي : لا يا ابني تنور عادي متأخذنيش بس هي دي قواعد القصر .. الشاب : قواعد !!!! انت ليه محسسني انه قصر ملكي !. ابتسم دسوقي وقال : هي دي عيلة القادر ويونس بيه كبيرهم الله يرحمه كان ليه قواعد كدا ! الله يرحمه كانت حكايته ليها العجب .. الشاب : احكي يا عم دسوقي وانا ورايا ايه !!! دسوقي : بص يا ابني يونس باشا كان بيشتغل قبل عهد عبد الناصر سمسار وكان معاه فلوس ياما ولما قامت الثورة وبقينا جمهورية غير شغله وفتح محلات فاكهة واشتري مراكب وبقى يتاجر بري وبحري .!! والموضوع مشي والأشية بقت معدن .. الشاب بدهشة : يا سلاام!! وايه العجب في القصة دي يعني ؟؟ دسوقي : بص يا ابني الفكرة مش في الفلوس بس يونس بيه عنده ما شاء الله ٤ ولاد زي الورد شباب وبنات ، ابنه الكبير طيار والصغير ظابط وياسمين هانم بتشتغل حاجة كدا مش عارف اقولها بس بتعمل لبس .. ابتسم الشاب وقال :Fashion designer يعني م**مة ملابس يا عم دسوقي .. دسوقي : هي دي ايوة ، والصغيرة بقى في الجامعة الأمريكية ربنا يحميها .. الشاب : طب ربنا يزيد ويبارك بس انت ليه شايف انها عيلة ليها العجب ؟؟ دسوقي : عشان محدش زيهم ! على قد ما اشتغلت مع بيوت وناس كتير اللي فيهم غني واللي عندهم سلطة واللي عندهم عيال وعزوة لكن عيلة القادر دي عندها كل دا رايه الست جيهان مرات يونس بيه الله يرحمه هي اساس العيلة والعزوة دي كلها .. الشاب : كل دا يا عم دسوقي عشان السؤال بتاعي !! دسوقي : بكره تعرف يا ابني .. خرج شاب من القصر يرتدي بدلة ظابط و .. علي : صباح الخير يا عم دسوقي !! دسوقي : صباح النور يا .. قاطعه علي وقال : يا ايه ؟؟ ها .. ابتسم دسوقي وقال : يا ابني من غير بيه .. ضحك علي ونظر للشاب وقال : امال مين حضرتك ؟؟ الشاب : انا هاني السلاملي مهندس د*كور ؛ جاي عشان الآنسة ياسمين .. علي : اه هو انت ؟؟ أهلاً بيك يا سيدي انا علي اخوها الكبير .. هاني : تشرفنا يا حضرة الظابط !. ضحك علي وقال : يا سيدي انا علي وانت هاني بلاش ألقاب ..! هنا رن هاتف علي ليقول: عن اذنكم بقى عندي شغل .! علي : ايوة ايوة .! يعني الدنيا طارت !! كريم : اه ما انت ولا علي بالك بيقولو في جريمة قتل في المهندسين بواب العمارة قال انه سمع صوت صريخ في الشقة ولم محدش فتح بلغ وانا طالع ع العنوان اهو وهبعتوهولك!!! علي : طيب طيب سلام .. يا ساتر يارب !! دسوقي : يلا يا ابني تعالى عشان ميعادك مع ياسمين هانم !! دق دسوقي جرس المنزل لتفتح ام عادل المسئولة عن المنزل وتربية الأبناء مع جيهان المختار .. ام عادل : صباح الخير يا دسوقي خير ؟؟! دسوقي : صباح الخير يا أم عادل ، انا جاي اوصل المهندس هاني عشان معاده مع ياسمين هانم !. ام عادل : اه طيب ، انا هبلغها انه جه وانت خليه يقعد في استراحة الجنينة على ما هي تنزل !! و انا هخليهم يحضروا له القهوة !. دسوقي : طيب بس بسرعة عشان بقاله مدة قاعد !. ام عادل : حاضر يا دسوقي تمام … اغلقت ام عادل الباب ودخلت الي حيث كانت جيهان هانم تجلس لشرب القهوة مع الإفطار .. جيهان : في حاجة يا لطيفة ؟؟ ام عادل " لطيفة" : المهندس بتاع الد*كور وصل وعايز ياسمين هانم !! جيهان : طيب روحي بلغيها وبالمرة صحي دينا عشان الجامعة !. ام عادل : امرك يا هانم .. خرجت ام عادل وأمرت احدى مساعداتها بتحضير القهوة لهاني ولياسمين ثم صعدت لغرفة ياسمين … ام عادل : صباح الخير يا جيسي !. ياسمين : صباح الخير يا دادة انا خلاص هنزل اهو بس اخلص لبس .. ام عادل : المهندس وصل بقاله مدة ومستني تحت ؟ ياسمين : كدا .. انا هنزل حالاً هو فين !. ام عادل : في استراحة الضيوف في الجنينة.. ياسمين : ماما صحيت ؟؟ ام عادل : اه وبتاخد القهوة في الصالون تحت !. ياسمين وهي ترتدي الحذاء : وعلي ودينا ؟ ام عادل : علي راح الشغل وانا هروح اصحي دينا اهو !. ياسمين : طب خلاص يا دادة روحي وانا هنزل خلاص ..! خرجت ام عادل وصعدت للدور الثاني ؛ حيث ان لكل شخص منهم غرفة في طابق يخصه وله مكتبه للدراسة والعمل ، ياسمين في الطابق الأول ودينا في الثاني وعلي في الثالث وأدهم في الرابع .. دق باب غرفة دينا وقد كانت تختار ملابسها التي ستذهب بها للجامعة … دينا : ادخل !. ام عادل : صباح الخير يا دودي يا حبيبتي !. دينا : صباح النور يا دادة يا عسل .. ام عادل : صاحية يعني وجاهزة من غير الدوشة بتاعك كل يوم ومزاجك حلو .. خير !.؟ دينا : مفيش عندي شغل مهم في الجامعة وميعاد مع واحد كدا ..! ام عادل : واحد مين ؟؟ دينا : مفيش واحد زميلي طلب يشوفني برا الجامعة نفطر سوا قولت له ماشي !. ام عادل : يا سلام !! وانت اي حد يقولك عايز اشوفك كدا توافقي وخلاص .؟ دينا : عادي ما أحنا بنتقابل كل يوم في الجامعة ومش مشكلة لو شفته في كافيه او مطعم واحنا بناخذ الفطار .. ام عادل : انت مش هتفطري هنا كمان !!! دينا : ما انا قولتلك يا دادة سلام بقى ..! ام عادل قبل ان تخرج دينا: انت هتروحي الجامعة كدا ؟؟ وكانت دينا ترتدي بلوزة فوق الركبة دون بنطال وبوت طويل لتقف وتقول بدهشة … دينا : ماله لبسي يا دادة هو انا في الأزهر !. ام عادل برفض : مس حكاية ازهر ولا جامعة امريكية اللبس اوفر يا ديدي وأي حد يشوفه هيفهم غلط .. روحي غيره!.. نظرت لها دينا بعدم اقتناع ورفض فقالت ام عادل : مش عشان خاطري ولا أي حد بس عشان خاطر زين !!! نظرت لها دينا نظرة تعرفها جيداً عندما يذكر اسم زين ولم تزد على هذا الكلام لترفع كتفها باستسلام وتذهب لاختيار ملابس اخرى .. صباح الخير يا مامي " قالت ياسمين" جيهان : صباح الخير يا روحي ! هتشوفي المهندس ؟؟ ياسمين : اه هنقعد شوية وبعدين نروح الآتليه عشان يشوف المكان بنفسه .. جيهان : طيب .. بس بلاش تأخير عشان لسة عندك شغل فرح اخوكي علي .. ياسمين : دا انا كنت خلصت فستان مي وكنت عايزة اخد رأيه ما انتي عارفة ابنك هيقعد يقولي قصير لا مفتوح ويوجعلي دماغي !.. جيهان : طب يلا روحي الراجل بقاله مدة !! " صباح الخير" قالت دينا وهي تركد لتقبل جيهان .. ياسمين : صباح الخير يا اختي وسلام مؤقت متنسيش تعدي عليا عشان فستانك .! دينا : قشطة !. جيهان : صباح النور كلي يلا عشان تروحي الجامعة وانا عندي مشوار لحد المطار عشان استقبل خالتك !. دينا : اه صحيح دي طنت عالية جاية النهاردة دا انا نسيت !! جيهان : طب كويس اني قولت لك عشان مفيش أكل بره النهاردة كلنا هناكل معاها انا قولت لأخواتِك ومش عايزة نقاش !!!!. دينا بملل : حاضر !. " في استراحة الضيوف " دخلت ياسمين وكانت أول مرة يقا**ها هاني وكانت تردي ملابس من ت**يمها في غاية البساطة والجمال في نفس الوقت .. ياسمين : صباح الخير ! هاني : صباح النور ، حضرتك الآنسة ياسمين ؟؟ ابتسمت ياسمين وقالت : حضرتك !!! وآنسة في جملة واحدة ؟!! ايوة انا ؛ وانت هاني صح ؟؟ هاني : ايوة تشرفنا يا فندم !.. ضحكت ياسمين وقالت : بلاش الرسميات دي احنا شباب مع بعض عادي يعني !. هاني : طيب .. حيث كدا بقى نبدأ الشغل ..!؟ ياسمين : التصاميم اللي جبهالي المهندس اللي قبل كدا تقليدية جداً وهو قالي انه دا المناسب وانا بصراحة مش مقتنعة !. هاني بتفهم : عموماً انا بشتغل بطريقة تانية خالص ولازم اشوف المكان الأول.. ياسمين : اه اوي اوي طب هتتفضل معايا ولا معاك عربية ؟! هاني : لا هاجي وراكي بالعربية بتاعتي.. ياسمين : طب يلا بينا !. > المكان حلو جداً وكل حاجة ممكنة فيه ملوش حاجة محددة يعني " قال هاني" ياسمين : مش قولتلك انا اصلاً ‏كنت حاسه أن المهندس التاني مش مقنع في كلام. هاني : طيب ممكن شوية تفاصيل ؟؟ يعني العرض هيكون فيه ناس ؟ وهيكون عن آيه ؟؟ ياسمين : بص هو في العادة ال show بيكون في قاعة تانية غير دي بتكون في Hotel وبيكون بتنظيمه بس احنا مش عاملين عرض دا عبارة عن عرض تجريبي هيحضره ناس معينة ‏لأن دي ‏تصاميم لبس فرعوني على الطراز القديم ممكن يستخدمها اللي بيعملوا احتفالية هيكون فيها حفل تتويج الملك يعني لبس ملك وملكة ووزراء وخدم وكدا !!. هاني : يعني عرض خاص لممثلين وناس مسئولة في قطاع السياحة والآثار وكدا ؟؟ ياسمين : بالظبط لأن في قرية فرعونية جديدة هيفتتحوها قريب واول يوم هيكون عرض احتفالية تتويج الملك والطقوس وكدا ؛ فلازم الناس المسئولة يشوفوا الملابس اللي هتتبعت للقرية عشان دا عرض هيكون متسجل وكدا !. هاني : كدا تمام ؛ انا ممكن اعمل قاعة شبه فرعونية يعني هنخلي فيها ملامح فرعونية وملامح modern من العصر الحالي والعا**ة القديمة والعا**ة الحالية وكدا !!. ياسمين : ايوة كدا !.. انا معاك جداً !؟ هاني : ممكن رقمك بقى ؟ عشان نتواصل وكدا ؟! ياسمين وهي تخرج الكارت من حقيبتها : اكيد بس انا مش هافظاه فدا الكارت بتاعي … نظر هاني للكارت وقال : چاسمين ؟؟ ياسمين ببسمة : اه بقى من ساعة Aladdin وهو چاسمين مش ياسمين !. هاني : قصدك قصة علاء الدين والمصباح السحري ؟!.. ياسمين بدهشة : انت مش بتحب انها تتقال انجليزي ؟؟ هاني : دي قصة عربية ! من عندنا يعني المفروض هم يقولها عربي مش احنا اللي نقول انجليزي !! نظرت له ياسمين بعدم فهم ولم تعرف هل هذا حوار اصلاً ام مزحة سخيفة ليتابع هو … هاني : ليه مش عاملة الكارت عربي !! احنا في مصر ؟؟ ياسمين : أصل الناس اللي بتعمل ال logos و ال Business cards بتعملها انجليزي دايماً !. هاني : بس احنا عرب !!. عمتاً دا الكارت بتاعي عشان مش حافظ رقمي برضه .. أخذته من يده ثم قالت : مش حاسس انك over في موضوع العربي والانجليزي دا ؟؟ كل واحد حر !! هاني : طبعاً ‏أنا بس كنت بسأل ايه الاحسن بين جاسمن وياسمين مش اكتر ..‏هأكلمك لما اجهز كل حاجة..سلام! تابعته ياسمين وهو يغادر ‏وبداخلها أن هذا الشخص اما معقد او مختل … { القصر } .. جيهان : ‏الو أهلا يا سيادة اللواء! فينك يا سيدي؟!! طه : ‏أهلا يا جيهان ازيك ؟! جيهان : الحمد لله يا أخويا .. ايه اخبارك ؟؟ طه : ‏البقاء لله يا حبيبتي والله أنا زعلت جدا و الخبر كان صدمة علي أبننا كلنا ابن يونس الله يرحمه و … لم تكمل جيهان الجملة ولم تسمع شئ بعد ذلك ليقع الهاتف من يدها ثم تتبعه هي وتسقط على الأرض … هنا صرخت أم عادل وركدت تجاه جيهان ..