Lucio’s POV
Alas kuwatro pa lang ng madaling-araw ay gising na ako. Ayoko pang bumangon pero kailangan. Grabe, halos dalawang oras lang ata ang tulog ko. Lintik kasing Skyla ‘yan, ala una na ng madaling-araw nang pauwiin ako. Mula alas diyes ng gabi hanggang ala una ng madaling pinagbasa niya lang ako ng libro para lang makatulog siya. Antok na antok na ako at gutom na gutom na rin dahil hindi talaga niya ako hinayaang makakain ng hapunan. Napakalupit niyang. Sobrang lala na ng tagas ng ulo ng babaeng ‘yun.
Maaga akong gumising dahil maaga dapat akong makarating sa mansiyon nila. Nag-aya kasi si Skyla sa beach at doon ang tungo namin ngayong araw. Kasama namin si Freya kaya may kasama akong dalawang malditang babae. Tiyak na kaawa-awa na naman ang aabutin ko nitong buong maghapon.
Pagka
