Isang hindi inaasahang bisita ang pumasok sa opisina ni Cristina nang tanghaling iyon. Lunch time at ilalabas na sana niya ang baon. Sadyang nagbaon siya nang araw na iyon dahil alam niyang buong maghapon sa loob ng OR si Noah at wala siyang ganang kumain sa labas o kahit na magtungo lang sa cafeteria na hindi kasama ang nobyo.
“Tita Aurora!” bulalas niya, gulat na gulat.
Nakangiting nilapitan siya ng ina ni Marlon at mahigpit na niyakap. “Tinay! How are you? I’ve missed you!”
Ngiting-ngiti na gumanti siya ng yakap, nakahuma na sa magandang sorpresa. “Hindi ko po alam na uuwi po kayo.” Malamang na hindi niya malalaman dahil hindi naman sila nag-uusap ng anak nito. Dapat din siguro ay inasahan na niya ang pagdating ni Tita Aurora mula sa Amerika dahil ikakasal ang anak nito.
“Hindi rin
