Chapter 25: Katotohanan sa Buhay ni Marfire
LABIS na naguguluhan si Conal sa mga nangyayari. Ang buong akala niya ay sapat nang malaman nila kung ano nga ba sina Margaux. Ngunit heto, umeksena ang totoong pagkatao niya. Malakas ang kanyang pakiramdam na ito talaga ang pinakakatago ng kanyang kinikilalang magulang at mga kapatid.
Hindi na siya makapaghintay na sabihin ni Tamara ang lahat. Nawa’y sa pagkakataong ito ay hindi na itatago nila ang katotohanan na dapat niyang malaman.
“Ganito pala ang mundo ng mga diwata? Sobrang ganda rito. Parang nasa fairyland ako,” nahihiwagaang wika ni Margaux.
“Ang ganda rito ate, hindi ko inakala na may ganitong lugar sa mundo,” ani Teejay.
“Ang lugar na ito ay labis na natatangi sa lahat. Walang sino man ang makakapasok sapagkat tanging mga sundo
