Chapter 27: Pulang Ilaw
IISIPIN palang ni Conal na doon titira sa poder ng mga taong lobo si Margaux ay nanggigigil na siya. Hindi niya alam kung bakit talaga mainit ang dugo niya sa ganoong mga nilalang.
“Lage mong tatandaan Conal na you are doing this para wala ng taong mapapahamak at para mailigtas ang iyong sarili. Hindi naman malalagay sa kapahamakan si Margaux. Gawin mo lang dapat na gawin at tapusin ang dapat na tapusin upang bumalik ang buhay mo sa normal,” ani Marfire.
“Hindi ko pa man alam kung ano ang responsibilidad ko sa mga bampira at ibang nilalang ay namuhay na ako sa mundong hindi normal. Nagtatago pa rin tayo sa mga tao dahil ayaw natin silang matakot at upang maiwasan ang digmaan sa pagitan ng mga mortal at imortal.”
“Naiintindihan kita ngunit kalilangan mong gawin
