Bigla akong napangisi nang marinig ko ang galit na boses ni Reyna Flexe. Balak pa talaga akong siraan nito sa mahal na Reyna. Baliw talaga ang gagong babaeng ito. Akala nito ay lahat ng tao ay kayang-kaya niyang paikutin.
Dahan-dahan kong binuksan ang pinto. Kahit ilang pinto ang aking dinaanan ay narinig ko pa rin dahil sa lakas ng boses ng dalawang taong nag-uusap sa loob. Hanggang sa tuluyan kong na buksan ang pinto ng silid ng Reyna Flexe. Agad silang tumingin sa akin. Kitang-kita ko naman ang kilay ni Bawane na talagang tumaas. Mukhang nagulat ito sa pagsulpot ko.
“Lumabas ka na Bawane!” Galit na pagtataboy ni Reyna Flexe. Bigla naman akong napangisi habang nakatingin dito. Nakakatawa naman kasi ito. Paano ba naman, palpak ang unang plano nito. .
Walang salita na lumabas ng kwarto
