(Maratong Omek's Pov)
Malakas akong tumawa habang nakatingin sa babaeng tinamaan ng palaso. Ngunit biglang tumaas ang kilay ko nang ikiniling lamang nito ang kanyang ulo at parang baliwala lamang dito ang nangyari. Teka, tinablan ba siya ng lason?
Aba! Dapat nanghihina na ito ngayon o hindi na makahinga. Pansin kong parang ang lakas pa rin nito. Mayamaya pa’y walang habas nitong inalis ang palaso na ngayon ay nasa kanyang hita. Kitang-kita ko naman ang pag-agos ng dugo. Ngunit mabilis akong umalis sa aking pwesto nang basta na lang nitong hinagis ang palaso pabalik sa akin. Talagang muntik na akong natamaan nito. . .
Talagang hindi nga ito tinablan. Ano’ng mayroon sa katawan nito? Hanggang sa muli kong inumang ang palaso papunta sa babae. Ngunit bigla akong napadaing sa sobrang sakit
