(Bawane's Pov)
TALAGANG nanlilisik ang mga mata ko habang nakatingin sa babae. Nauunawaan ko ang mga pinagsasabi nito lalo at matagal akong nanirahan sa Sta. Esmelas noon. Nandoon kasi naglalagi ang Mama Tess ko. Ngunit walang nakakaalam na may kamag-anak ako sa Sta. Esmelas. Kailangan kong ilihim upang mapabilang ako sa Mayamang pamilyang Yago. . .
Pero ang babaeng nasa harapan ko ngayon ay hindi ko gusto ang tabas ng bibig. Pakiramdam ko'y kontrabida ito sa aking buhay sa mga sunod na araw. Ngunit hindi ko hahayaan na basta na lang itong magbida-bidahan sa lugar na ito. Ako ang asawa ni Maroz na pinsan din ni Isaac. Mas may karapatan ako sa palasyong ito dahil dala-dala ko na ang apelyidong Yago. Pero hindi pa rin sapat 'yon. Kailangan ko pa ring maging asawa si Isaac lalo at mas may
