Kaya lang naramdaman ko na hindi talaga ako titigilan ng Eyeliner na ito. Saktong hinto ng putok ng baril ay siyang tigil ko rin sa pagtambling sa ere. Humarap ako sa lalaki at nakita kong seryoso itong nakatingin sa akin.
Bigla rin akong napaisip. Lahat kasi ng bala ay hindi ako tinamaan. Isa itong sundalo at alam kong magaling itong humawak ng baril. Ang ibig sabihin lang noon ay wala siyang balak na patamaan ako.
“Pasalamat ka't marunong pa rin akong gumalang sa mga babae. Ngunit ito ang tandaan mo, oras na mag-krus muli ang landas natin ay titiyakin kong patatamaan na kita ng bala ng baril ko--!” Mariing sabi ng lalaki sa akin. Agad itong tumalikod at tuloy-tuloy na pumasok sa loob ng kotse kasama ang mga tauhan nito.
Parang nanlalambot ang aking mga tuhod. Mabuti na lang at hindi
