Kita ko ang saya sa mga mata ni Shaina. Alam kong natutuwa siya dahil marami na siyang nakikilalang tao. Hindi kagaya dati na laging ako, si Mama, si Chloe at Bryle lang ang nakikita't kakilala niya. Dumating si Ryle, tapos ngayon pati ang pamilya't mga pinsan ni Lunoxx ay naging malapit na rin sa kanya. Masaya ako kasi ramdam ko ang pagmamahal nila kay Shaina. Hindi rin kami nagtagal sa restaurant na iyon dahil nang mag-alas nwebe na ng gabi ay nagsiuwian na kami sa kadahilanang may mga trabaho pa ang karamihan sa amin kinabukasan. Nagpaalam na kami sa isa't isa hanggang sa makasakay na kami sa kani-kanyang kotse. Inilagay muna ni Ryle ang mga regalo na natanggap ni Shaina sa likod ng kanyang compartment.
"Kumusta, Ina? Masaya ka ba?" tanong ko sa anak ko na nasa likod. Kasama nito si M
