Pagkatapos ng sagutan namin ni Celestine ay nagmadali na itong umalis.
Agad na bumaling ang atensyon ni Lunoxx sa'kin saka hinawakan ako sa braso. "Are you okay?"
Tumango ako sa kanya. "Ayos lang ho ako."
"The nerve of that girl! Siya pa talaga ang may malakas ang loob na mag-eskandalo," umiiling pa na sabi ni Tita.
"Lunoxx, siguraduhin mo na hindi na ulit mangyayari ito. Maliwanag?"
Tumango naman si Lunoxx. "Yes, Dad. I'll make sure of that."
Nang makaalis na sina Mr. at Mrs. Monteverde'y muli pa akong kinausap ni Lunoxx para siguraduhing ayos lang ako. Alam ko naman na napapansin niyang iniiwasan ko pa rin siya. Paninindigan ko ito dahil ayokong ipakita sa kanya na naapektuhan ako sa mga pinanggagawa't sinasabi niya. Ayokong ipakita sa kanya na nanlalambot ako sa presensya niya,
