"SALAMAT SA pagtulong mo sa akin kanina, Lavi," ani Aliyah kay Lavi. Ngayon ay nasa loob sila ng sasakyan nito.
"Sino ba iyon? Bakit dinadahas ka nang ganoon?" tanong nito habang nakakunot ang noo. "Paano kung hindi ako dumating? Baka kung ano pa ang nagawa no'n sa iyo," anito pa.
"Hindi ko naman kasi alam na sa ganoong paraan niya ako kakausapin." Napayuko si ALiyah. Ang mga mata niya ay natuon sa braso na namumula dahil sa mahigpit na pagkakahawak ni Felix doon. Pakiramdam niya ay nandoon pa rin ang palad nito at hawak pa rin siya.
"Patingin nga ako," ani Lavi saka hinawakan ang kamay niya at bahagyang hinila.
Nagulat naman sa ginawa nito sa Aliyah kaya napatitig siya sa mukha nito. Mas nakikita niya ngayon kung gaano kahaba ang magandang pilik-mata ni Lavi at kung gaano kakinis ang
