SA BAHAY NINA Celestine nagpalipaa ng gabi si Aliyah pero nang sumikat ang araw ay nagpaalam siya sa ina nito na uuwi muna sa kanila. Tulog pa si Tine kaya hindi siya rito nakapagpaalam.
"Hindi kaya magalit iyon, hija?" tanong nito sa kaniya.
Umiling siya agad. "Hindi po iyon magagalit, tita."
"Bakit kasi uuwi ka pa? Pwede mo naman samahan si Celestine ngayong maghapon sa mga lakad niya. Magpa-Salon kayong dalawa," anito saka ngumiti. Hinawakan pa ang kamay niya.
Sa totoo lang, maganda ang inaalok nito at gusto niyang tanggapin ngunit hindi kasi maganda ang pakiramdam niya. Marahil ay dahil iyon sa nangyari kahapon. Gusto muna niya umuwi upang makapag-isip-isip.
Hindi siya nakatulog noong nagdaang gabi dahil sa kakaisip kung paano susulusyunan ang problema nila ni Tine.
Isang malalim
