CHAPTER eight
“`LANGYA, Art. Parang mawawala si Ada, ah! Aba’y hindi mo nilulubayan ng tingin `yong tao,” panunudyo sa kanya ni Pierro.
“Magtataka ka pa, Pierro? Kahit naman noon, ganyan na `yan kay Ada. Remember `pag nasa bahay tayo nina Art at nagkataong nandoon din si Ada?” ani Randall.
“Yeah. Laging nakasunod ang tingin nitong si Art kay Ada. `Pag napapalingon si Ada, biglang kukunot ang noo at aasim ang mukha nitong manok natin. Denial king ito, eh!” sabi naman ni Miro.
“Bakit hindi ko alam `yon?” nagtatakang tanong ni Jared.
“Pa’no mo malalaman, eh, sa picture ka lang ni Kristina nakatingin,” natatawang sagot ni Pierro.
“Tigilan n’yo nga ako!” angil ni Arthur Franz. Siya ang napiling gawing paksa ng grupo. Kunsabagay, lahat naman sila ay may kanya-kanyang oras para maging pa
