CHAPTER nine
“WOULD you mind if I asked you a personal question, Ada?” tanong sa kanya ni Aria. Hindi pa rin kasi sila nag-iimikan nang araw na iyon ni Arthur Franz. Marahil ay napansin ni Aria ang tensiyon sa pagitan nila ng binata kaya marahil siya niyaya ng babae na maglakad-lakad sa baybayin at mamulot ng shells.
“S-sure.” May hinala na si Ada na tungkol sa kanila ni Arthur Franz ang itatanong ni Aria.
“May problema ba kayo ni Art? You’ve been avoiding him the whole day. Walang nagsasalita pero nahahalata ng lahat na hindi kayo nagkikibuan. Nag-away ba kayo?”
Tama nga ang hula ni Ada. Iyon nga ang uusisain ni Aria. Tumigil siya sa paglalakad at umupo sa buhanginan. Ganoon din ang ginawa ng babae.
“He has asked me to marry him,” sagot ni Ada. Pagkagising niya kaninang umaga ay p
