CHAPTER four
NAPATIGIL si Ada sa paglalakad sa hallway ng opisina. Kumunot ang kanyang noo nang makita ang babaeng nakalingkis kay Arthur Franz. Base sa kilos ng binata, mukhang umiiwas ito sa babaeng animo sawa kung makapulupot dito.
Nakita siya ng binata. Itinirik ni Ada ang mga mata nang makitang nagpapatulong na naman ito. Ilang beses na ba siyang gumawa ng paraan para maitaboy ang mga babaeng humahabol kay Arthur Franz? Maraming beses na mula nang magkasundo sila.
Itinaas niya ang nakakuyom na kamay at inambaan ng suntok ang binata. Binelatan din niya ito at saka siya tumalikod. Nagtungo siya sa rest room. Humarap siya sa salamin at umikot-ikot. Napangiti siya nang may maisip.
Pinalaya ni Ada ang mahabang buhok mula sa pagkakatali niyon. Inirolyo niya sa kalahati ang suot na lo
