CHAPTER six
HALOS mag-uumaga na nang hilahin ng antok si Ada. gayunman ay maaga pa rin siyang nagising. Nagmulat siya ng mga mata ngunit hindi pa siya bumangon. Nakatitig lang siya sa kisame. Kagigising pa lang niya ngunit okupado na agad ni Arthur Franz ang isip niya.
Bumangon siya at ipinilig ang ulo. Pumasok siya sa banyo para mag-shower. Baka sakaling luminaw ang isip niya kapag nakaligo na siya.
Ngunit walang epekto iyon.
Dinama ni Ada ang kanyang mga labi. Parang nararamdaman pa niya roon ang mga labi ni Arthur Franz. Pumikit siya. Napakarami ring katanungan sa isip niya. Naguguluhan siya.
Nagmadali siyang magbihis. Lumabas siya ng bahay at saka sumakay sa kanyang kotse. Umikot-ikot lang siya sa Metro Manila. Nang mapagod ay pumasok siya sa isang mall, bumili ng ticket sa sin
